Champanhac (Cantal)

La version imprimibla es pas mai presa en carga e pòt conténer d’errors de generacion. Volgatz metre a jorn vòstre marcapagina de navegador e utilizar la foncion d’impression per defaut del navegador a la plaça.

Vilatge d'Occitània

Champanhac (Cantal)
Champagnac

La gleisa

Fichièr:Imatge:

Armas

Geografia fisica

Coordenadas

45° 21′ 27″ N, 2° 24′ 01″ E

Superfícia

28,01 km²

Altituds
· Maximala
· Mejana
· Minimala

697 m
620 m
321 m

Geografia politica

País

Auvèrnhe

Estat

França

Region
84

Auvèrnhe-Ròse-Aups, ancianament d'Auvèrnhe

Departament
15

Cantal

Arrondiment
152

Arrondiment de Mauriac

Canton
1517

d'Ide, ancianament de Sanhas

Intercom
241501055

Comunautat de comunas Sumena-Artencha 241501055

Cònsol

Gilles Rios
(2014-2020)

Geografia umana

Populacion
Populacion totala
(2018)

1 071 ab.

Evolucion de la populacion

1 096 ab.

Densitat

37,42 ab./km²

Autras informacions

Gentilici

Champagnacois (en francés)

Còde postal

15350

Còde INSEE

15037

Champanhac (Champagnac en francés) z-es 'na comuna auvernhata, situada dins lo departament del Cantal e la region d'Auvèrnhe-Ròse-Aups, ancianament d'Auvèrnhe.

Geografia

Comunas vesinas

Champanhac

Ide (3,3km)

Veirièiras (3,5km)

Sent Peire (3,5km)

Bassinhac (4,6km)

Serandon (4,8km)

Madic (5,3km)

Sauvat (5,7km)

Perimètre del territòri

Comunas confrontantas de **Champanhac**
Sent Peire	Sent Julian de Bòrt comuna novela de Sarron e Sent Julian (Corresa)	Madic
Serandon (Corresa)		Ide
Veirièiras	Bassinhac

Toponimia

Champanhac. Las fòrmas ancianas son Campaniacus, en latin, al sègle XII, Champanhazes, en 1254, Champanhat, al sègle XIV, Champanhac, en 1410, Champanhacum, latinizacion de 1441, Champaignac, en 1485, Champanihac, en 1634, Champaniac, en 1655, Champagnat, en 1747, etc ^[1]. Champanhac vendriá d'un nom latin d'òme, Campanius, amel sufixe -acum ^[2]^,^[3], latinizacion del sufixe gallés (gal, gallic) -āco(n). Champanhac èra donc probablament una anciana granda proprietat antica qu'aviá per mèstre Campanius. Pasmens, en interpretant coma auriá fait Michel Roblin, lo nom pòt tanben èsser un derivat de campania, mot latin derivat de campus, « champ », aplicat a una tèrra fertila e, generalament, planeira (lo borg es sus un replanat).
Prodelles. Las fòrmas ancianas son Prodella, en 1535, Proudelles, en 1688 ^[4]. En aparéncia, lo nom se poiriá interpretar coma un Pradelas (derivat de prat), amb la barradura en [ɔ] de a pretonic; mas dins aquel cas, las grafias istoricas conservavan a e l'atestacion de 1688 mena pusleu a un o etimologic, un derivat del latin protelum, qu'a donat prodèl en occitan (o de prodesse, coma los sens se son mesclats). La situacion del vialatge sobre una extremitat de replanat, entre lo Pueg de Prodelas e una comba, donc sobre « una avançada », poiriá motivat aquela explicacion, azardosa, pr'aquò.

Istòria

La comuna de Prodelas (fòrma supausada) fuguèt annexada a Champanhac per ordenança reiala del 24 de decembre ^[4]. Segon lo siti Cassini, Prodelas seriá estada, en realitat, non pas una comuna, mas dins Veirièiras dempueis la Revolucion, çò que la baissa de populacion d'aquela comuna entre 1821 e 1831 fariá supausar ^[5]. Prodelas es plan mai près de Champanhac que de Veirièiras e, se n'èra aital, la decision s'explicariá.
Per decision del Conselh general del Cantal del 1èir de novembre 1871, la comuna de Sent Peire se creèt del territòri de Champanhac, sos lo nom de Saint-Pierre-du-Peil ^[6]. Lo siti Cassini dona pas que lo nom de Sant-Pierre ^[7].
Ancianas minas de charbon de 1842 a 1959.

Administracion

Lista dels cònsols successius
Periòde		Identitat	Etiqueta	Qualitat
març 2014	2020	Gilles Rios	divèrs dreita	contramèstre
març 2008	2014	Jacques Auchabie
març 2001	2008	Jean Pierre Galeyrand	divèrs esquèrra
	2001
Totas las donadas son pas encara conegudas.