Black Lives Matter
.jpg)
| Parti di | civil rights movement  |
|---|---|
| Fecha di fundashon òf kreashon | 13 yüli 2013 |
| Nomber kòrtiku | BLM |
| IPA transcription | ˈblæk ˈlaɪvz ˈmæ.təɹ |
| Fundadó òf kreadó | Alicia Garza, Patrisse Khan-Cullors, Ayọ Tometi |
| Pais | Estadonan Uni di Merka |
| Ideologia polítiko | anti-racism |
| Evento notabel | George Floyd protests, State of Florida v. George Zimmerman, shooting of Michael Brown, killing of Eric Garner |
| Distinshon | Sydney Peace Prize |
| Wèpsait ofisial | https://blacklivesmatter.com/ |
| Hashtag | BlackLivesMatter |
| In opposition to | police brutality in the United States, militarization of police, racial profiling |
| Koló ofisial | pretu |
| Lista di tema | list of Black Lives Matter street murals |
Black Lives Matter (BLM), loke ta tradusi na Papiamentu den "bida di pretunan ta konta", ta un movementu internashonal ku a originá di e komunidat afro-merikano na Merka i ku ta dediká na kombati violensia kontra hende pretu i di kolo. Black Lives Matter ta organisa regularmente protestanan kontra asesinato di hende pretu pa agentenan polisial i asuntunan mas amplio manera profilamentu rasial ("racial profiling"), violensia polisial i rasismo.
Na 2013 despues di e eksonerashon di George Zimmerman pa e morto di e teenager afro-merikano Trayvon Martin durante un tiroteo e movementu a kuminsa usa e hashtag #BlackLivesMatter riba retnan sosial. Black Lives Matter ta risibí rekonosementu nashonal pa su demonstrashonnan despues di e morto di dos afro-merikano na 2014: Michael Brown i Eric Garner, ku a kondusí na protestanan i disturbionan na Ferguson, Missouri i New York City.[1][2]
Desde e protestanan na Ferguson partisipantenan na Black Lives Matter a ekspresa nan mes kontra innumerabel kaso di morto di afro-merikanonan a konsekwensia di akshonnan polisial, bao di kua Tamir Rice, Eric Harris, Walter Scott, Jonathan Ferrell, Sandra Bland, Samuel DuBose, Freddie Gray i George Floyd. Na 2015 Black Lives Matter a kuminsa reta polítikonan públikamente, entro otro kandidatonan pa e elekshonnan presidensial di 2016 na Merka, pa sali na kla ku nan posishon tokante asuntonan di diskriminashon rasial na Merka.
E movementu mundial di Black Lives Matter ta un ret desentralisá i no tin herarkia of struktura formal.[3] Protestanan ku sali for di e BLM-slogan ta wòrdu kontinuamente kuestioná, komo ku tersera personanan ta malusa esakinan pa sakea i destruí negoshi na diferente siudat di e pais.
Fundadónan di e movementu ta tres lider di e komunidat afro-merikano: Alicia Garza, Patrisse Cullors i Opal Tometi.[4]
Movementunan internashonal di BLM
[editá | editá fuente]Hulanda
[editá | editá fuente]
Dia 10 di yüli 2016 tabatin un protesta di Black Lives Matter riba Dam na Amsterdam. Un 400 demostrante a tene un 'sit-in' pa protesta kontra violensia polisial.[5] E protesta tabata pa motibu di e violensia polisial persistente na Merka kontra afro-merikanonan. E protesta tabata pasífiko, loke e organisadónan a enfatisá tambe den nan yamamentu.[6]
Na mei i yüni 2020 tabatin un ola di demonstrashon kontra rasismo i inhustisia na Merka i ront mundu despues di e fayesimentu di George Floyd. Floyd tabata un afro-merikano di 49 aña, ku a muri dia 25 di mei 2020 na Minneapolis (Minnesota) despues ku polis a pone su rudia riba su nek. Na Hulanda miles di hende na Amsterdam, Den Haag i Rotterdam a subi kaya pa protestá.[7]
Aruba, Bonaire i Kòrsou
[editá | editá fuente]Na 2020 e Islanan ABC tambe a uni nan mes na e protestanan pa George Floyd. Na Aruba a tene charlanan riba Plasa Betico Croes pa komunidad interkambia riba e tema di rasismo i loke ta relashona ku esaki, manera desigualdat, diskriminashon, explotashon di hende pa nan kolo di kuero.[8] Bao organisashon di e movementu "Bonaire All Lives Matter" un sesenta hende a bini huntu 10 di yüni 2020 na Parke Wilhelmina na Kralendijk. Komo kasonan di diskriminashon na Boneiru a oumentá último añanan e movementu ta boga pa eliminá opreshon ku un kambio di mentalidat. Ta intenshon di e movementu pa despues entrega un petishon na gobièrnu pa kita e plakat di Johannes van Walbeeck riba Parke Wilhelmina pa motibu di su vínkulo ku e historia skur di kolonialismo.[9][10] Bao di e nòmber ‘Curaçao can’t breath’ (Kòrsou no por hala rosea) un grupo di hoben di Kòrsou a bini huntu na Plasa Brion pa pidi atenshon pa igualdat i derechi igual.
Literatura
[editá | editá fuente]- Black Lives Matter, Sue Bradford Edwards en Duchess Harris, 2016
- The Making of Black Lives Matter - A Brief History of an Idea, Christopher J. Lebron
- Policing the Black Man - Arrest, Prosecution, and Imprisonment, Angela J. Davis (red.), 2017
- Making All Black Lives Matter - Reimagining Freedom in the Twenty-First Century, Barbara Ransby, 2018
- Deadly Injustice: Trayvon Martin, Race, and the Criminal Justice System, Devon Johnson, Amy Farrell i Patricia Y. Warren, 2015
Mira tambe
[editá | editá fuente]Link eksterno
[editá | editá fuente]- Black Lives Matter demonstration also on Bonaire, Ret Karibense, 11 yüni 2020
Fuente, nota i/òf referensia
|