Jump to content

SV Juventus

Di Wikipedia, e ensiklopedia liber
E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
SV Juventus
Fecha di fundashon òf kreashon1973 Editá
Deportefutbòl Editá
PaisHulanda Editá
LigaLiga Boneiru Editá
AkomodashonStadion Kralendijk Editá
Kategoria pa miembro di un timCategory:SV Juventus players Editá

SV Juventus (ofisialmente Sport Vereniging Juventus) ta un klup di futbòl di e bario di Antriol/Playa Pabou na Kralendijk, Boneiru. Histórikamente e ta e klup mas eksitoso di Boneiru, titulando kampeon di Boneiru na 14 okashon.

Historia

[editá | editá fuente]

E klup a wòrdu fundá na 1973 despues di separá di SV Vitesse. E ta afiliá mesun aña na BVB.[1] Su promé presidente tabata Victor Winklaar.[2] Entre 1976 i 2018 e ta logra 14 viktoria den e Liga Boneiru, titulando pa promé bes kampeon di Boneiru na 1976.[3] Na 2013 e título di kampeon tabata tambe e di sinku konsekutivo pa Juventus, kitando afó aña 2011 ku no tabatin kampeonato.[4]

Komo kampeon of number dos di Boneiru, e klup tambe a partisipa den Kopa antiano militando pa e kampeonato di Antias Hulandes. Riba nivel internashonal el a partisipa den kampeonatonan di CONCACAF: CFU Club Championship na 1986, 1989 i 1993 i Champions League na 2001, pero no a avansa di e promé buèlta. Despues di a diskontinuá e Kopa antiano na 2010 e klup a partisipa na 2018 komo supkampeon di Boneiru den e Kopa ABC, un torneo entre Aruba, Boneiru i Kòrsou.

SV Juventus ta hunga su weganan den Stadion di Kralendijk. Su kolónan ta blanku i pretu. Presidente di e klup ta Marciano Silberie i entrenadónan ta Alexander (Chano) Raphaela i Jahirr (Tingo) Coffie.

Lista di Honor

[editá | editá fuente]

Liga Boneiru: 14

  • kampeon na 1976, 1977, 1984, 1985, 1987, 1989, 1992, 1994, 2005, 2008, 2009, 2010, 2012, 2013
  • finalista na 1988, 1995, 2001, 2017, 2018

Kopa antiano:

  • finalista na 1977, 1985, 1988, 1992, 2001, 2008

Kopa MCB:

  • finalista na 2012

Torneonan Internashonal di CONCACAF

[editá | editá fuente]

CFU Club Championship: 1 wega

  • 2001 - Promé buèlta- eliminá pa SNL 10 - 2

CONCACAF Champions' Cup: 3 wega

  • 1986 - Promé buèlta (Karibe) - eliminá pa SV Robinhood 9 - 0
  • 1989 - Promé buèlta - Grupo D - di kuater lugá - 3 pto.
  • 1993 - Promé buèlta (Karibe) - eliminá pa Trintoc FC 4 - 0

(Eks-)hungado destaká

[editá | editá fuente]
For di "https://pap.wikipedia.org/w/index.php?title=SV_Juventus&oldid=137892"