Sainte-Maxime

Saint-Maxime (Santo Massimo an lenga local) a l'é na comun-a ëd 13800 abitant ant ël Var.

A resta an sla bordura dël massiss dij Maures. A l'ha des chilòmeter ëd rive ëd sabia fin-a: cola dla Crosëtta, con la scòla ëd vela; dla Madrague; la Nartelle, un dij pont dë sbarch ëd j'Alià dl'ost 1944; cola dj'Elefant; cola dla Garonnette.

Ij monio ëd Lérins a l'han ocupà si leu vers ël sécol ch'a fa VII e a l'han daje ël nòm ëd costa santa ëd sò órdin, ch'a l'avìa fondà ël convent ëd Callian.

A mità dël sécol ch'a fa XIV, la sità a l'é stàita ravagià da la pest nèira.

La sità a l'é stàita liberà ai 15 d'ost 1944.

• La cesa
• Ël Musé dle tradission locaj

• Festa dla mimosa, la prima dumìnica ëd fërvé
• Festa ëd Santa Màssima, ai 15 ëd maj; ël bust ëd la santa a l'é portà an procission
• Festa dla vigna e dla vëndëmmia, a stèmber
• Festa dl'euli e dl'oliva, a novèmber

Tute le matin, gavà ël lùn-es an invern, a-i é ël mërcà coatà an piassa dël Mërcà. Al vënner ëd matin an piassa Jean Mermoz as ten la fera. Ël mërcà dij prodot regionaj as dësrola ël giòbia 'd matin an piassa dij Sarrazins. Da mità giugn a mità stèmber a-i é ël mërcà dj'artisan, da sinch ore dël dòp-disné a óndes ore dla sèira, ant le stra pedonaj dël sènter.