Montes Rocosos
Artìculu in LSC
Is Montes Rocosos (in inglesu Rocky Mountains) sunt una de is prus istèrridas cadenas de montes de sa Terra, posta in sa parte de uestu de s'Amèrica de su Norti, partzidos in is territòrios de Cànada e Istados Unidos de Amèrica.
Is Montes Rocosos sunt parte de sa Cordigliera de Patzìficu, ma s'iscerant de sa Cadena Costerina de Patzìficu chi ddis istat a uestu, a longu de s'oru de s'ocèanu. Intames in s'estu si nche pesant subra is campuras mannas.
Atraessant su cuntinente pro longària de prus de 4.800 km, de su norti de sa provìntzia de Colùmbia Britànnica in su Cànada, a s'istadu de Nou Mèssicu in is USA.
Su pitzu prus artu est su Monte Elbert, in Colorado, chi tirat a 4.401 metros subra su mare.