Audacity

Audacity è un prugramma pi criari file àudiu. È rilassatu sutta la licenza "GNU General Public License": è un prugramma gratùitu. La nterfaccia gràfica, criata cu wxWidgets, nni pirmetti n'utilizzu assai sìmprici.

La funziunalitati cchiù ntirissanti di stu prugramma è la riggistrazzioni e ripruduzzioni monu e stèreu, n furmatu MP3, Ogg, WAV, ecc. Li carattirìstichi di stu prugramma lu rènninu adattu a n'usu dumèsticu o prufissiunali.

Audacity è puru unu dî prugrammi lìbbiri cunzigghiati pi lu pruggettu Wikipedia parrata.

Cu stu prugramma, si ponnu riggistrari tutti li canzuni o mùsichi ca sintiti ntâ riti (p'asempiu li canzuni o mùsichi dî vìdeu Youtube.com, ecc.).

Lu prugramma di basi nun pirmetti la criazzioni di file àudiu MP3 ma adattannu na picca lu prugramma, chistu lu pò fari appoi. P'adattàrilu s'hannu a fari sti cosi:

• 1. scarricari lu codec "Lame_enc.dll". Si pò scarricari nta stu situ (spìnciri supra "Téléchargement")
• 2. mèttiri stu codec nta lu computer (p'asempiu nta "C:\Program Files\Lame encoder")
• 3. diri a Audacity unni s'attrova lu codec nta lu vostru computer, zoè:

- grapiri Audacity

- jiri a "Modifica" (allatu di "File")

- jiri a "Preferenze" (a la fini dâ lista)

- jiri a "Formati di file" (allatu di "E/S audio" e "Qualità)

- jiri a "Cercare la libreria" MP3

- innicari lu locu (p'asempiu "C:\Program Files\Lame encoder") unni è mittutu lu codec

- sarvari e chiùdiri la finestra

St'opirazzioni di sistimazzioni s'havi a fari sulu 1 vota, lu prugramma resta cunfiguratu accussì siddu nun desinstallati lu prugramma.

Appoi putiti accuminzari li riggistrazzioni, grapiti Audacity e grapiti puru nu situ internet (o nu vìdeu) ntô quali sapiti ca si diffunni na canzuna o na mùsica ca vi piaci. Aspittati l'accuminzagghia di la canzuna e spinciti lu buttuni di riggistrazzioni. Quannu la canzuna o la mùsica è accabbata, spinciti lestu l'àutru buttuni pi smèttiri la riggistrazzioni. Appoi aviti a jiri nta "File" e cliccari supra "Esportare come MP3" e scègghiri nu locu ntô vostru computer unni vuliti sarvari stu file àudiu n furmatu MP3 ca aviti criatu.

• Spinciti ccà pi scarricari Audacity 1.2.6 (lu lijami è prisenti nta la pàggina Sourceforge.net
• Situ unni si pò scarricari lu codec "Lame_enc.dll" (spìnciri supra la parola "Téléchargement")