Poesaka Soenda 1924-02-2(08)

Kawantos timbalan Ratoe, satoedoeh metoe saketjap njata, nja teu lami ogé sajagi, énggal disanggakeun ka karaton.

Kersana Noe Maha Soetji, tétéla sapitoedoeh impénan téa, dadak sakala Kangdjeng Radja damang deui tjara baheula bihari, waloeja teu sakara-kara.

Katjarios istri Wandan téa ladjeng ngandeg. Saparantos éta istri bobot, tjeuk sapalih koe Kangdjeng Radja ditimbalaln ditelasan ka Ki Ageng Sora, bangsa ménak di padésan, tina ngaraos lingsem nepi ka poetraan ti istri loeloemajanan, ngan Ki. Ageng Sora teu téga. Nji Wandan disoempoetkeun ari tjeuk sakaol deui mah henteu, malah doegi ka ngowona di kara­ton, ngan sanggeus babar ladjeng disélongkeun (dititipkeun) ka Ki Ageng Sora téa. Éta moerangkalih poetra tilas neka­nan toembal téa di djenenganan BONDAN KADJAWAN, hartina poetra ti istri Wan­dan terah Kadjawan.

Lami ti lami moerangkalih tambah ageung moeloes taja koetjiwana, salira morontod boga wanda terah radja, tetep dirorok koe Ki Ageng Sora téa, ageung di padoekoehan nalaktak sakahanan boedak. Barang parantos sawawa tina motékar katarik kaloehoenganana, koe Ki Ageng Sora dipasantrénkeun ka Ki Ageng Taroeb, soepaja kénging piwedjang sina goe­goeroe agem-ageman kasampoernaan, di­baroeng atikan kasatriaan. Ti wangkid harita Bondan Kadjawan katelah Ki Djaka Taroeb.

Dina hidji dinten Ki Djaka Taroeb (Bondan Kadjawan) ningali koewoeng­koewoeng melengkoeng di langit, sarta ana rét ka talaga, andjeunna kagét tanpa wilangan, réh kawénéhan ningali para Widadari keur siram itjikiboeng soekan-­soekan.

Djaka Taroeb emoet kana tjarios anoe parantos kadangoe, énggalna ngetejep angkat moeroe panganggo para widadari téa, sarta teu antaparah deui kerewek koe andjeunna ditjandak hidji. Para Widadari birat pating djarerit bawaning kagét, na­ngén jén aja djelema noe ngintip, paheu­la-heula njarandak panganggona, sarta bioer baé haliber.

Nanging anoe sindjangna geus beunang koe Ki Djaka Taroeb téa mah ngan bati nangis, wiréh teu iasa moelih ka kajangan, da panganggo geus aja di leungeun djal­ma, sarta teu madjar koemaha kapaksa andjeunna pasrah salira, koemawoela ka djadjaka bangsa manoesa, Éta Widadari djenenganana NAWANG-W0ELAN, ladjeng baé dianggo garwa koe Bondan Kadjawan, nepi ka kagoengan poetra anoe didjenenganan Nawangsih. Dina babad wedalan Banten, ditjarioskeun jén Bondan Kadjawan ti widadari téh kagoengan poe­tra pameget anoe djenenganana Padjoe­wed atanapi anoe sok disebat ogé Pan­djawi.

Lami ti lami Widadari Nawang-woelan maroedah manahna, émoet kana kamoel­jaan salira nalika masih rioeng moengpoe­loeng sareng para Widadari di sawarga loka, nja nadjan ajeuna andjeunna keur loeloes roentoet berés roés djeung tjarogé ogé, teu boeroeng moendoet moelih, lanta­ran dipalér-palér teu daék palér. Toeng­toengna Nawang woelan waktja jén baris moelih, sarta ngaririhan ka raka, kedah énggal garwaan deui ka papada koepoena, tina andjeunna mah taja petana pila­naeun ngoembara di alam pawenangan, siang wengi njoréang ka geusanna asal.

Bondan Kadjawan henteu iasa ngorétkeun djeung moal moengpang kana saka­hojongna Nawang woelan, ngan sakalian moendoet pigantieunana téa.

Widadari Nawang Woelan geus oeninga jén aja hidji istri poetrana Kiai Ageng Sésélo, anoe piloeloeseun kana néma andjeunna rangkep sareng Ki Bandan Kadjawan, énggalna rakana dipangnanjaankeun, nepi ka hasilna.

Sadjengkarna Nawang-woelan, proek Bondan Kadjawan rendengan ka poetri poetra Ki Ageng Sélo téa, nja kagoengan poetra ti dinja pameget hidji anoe djenenganana Ki Ageng Pamanahan téa.

Doepi poetra anoe ti Nawang Woelan anoe djenengan Ki Pandjawi téa, da dikantoen koe iboe, nja ditjandak ka iboe kawalonna baé koe Bondan Kadjawan.

Ki Pamanahan sareng Ki Pandjawi dirorok koe éjangna, diwoelang tata-titi ka

Barang éta doea moerangkalih geus arageung, sarta katimbang koe éjangna geus meudjeuhna ingkar ti padésan, ladjeng kaperih koedoe koemawoela ka radja, geusan néangan marga lantaran kana kamoeljaan salirana, sangkan iasa néma warisan ti loeloehoerna. Harita ramana éta moerangkalih, parantos poepoes. Koe margi éta Ki Pamanahan sareng Ki Pandjawi disanggakeun koe éjangna ka SOELTAN PADJANG.

Dajeuh Padjang pernahna Koelon Kidoel ti dajeuh Solo ajeuna, tebihna kinten-kinten. 3 pal ti kota, baheulana nagara hardja toer kerta. Ari anoe djadi narpati nja éta anoe kawéntar gagah rongkah kakasihna DJAKA TINGKIR téa, pédah keur moerangkalihna dirorok koe Nji Randa di lemboer Tingkir. Ari djenenganana noe enja mah RADÉN MAS KEREBET.

(Salsilah sareng toetoeranana Djaka Tingkir tingali di pengker).

Ki Pamanahan sareng sadérékna katjida kaanggona koe Kangdjeng Soeltan, tina asak ngadasaranana tadi keurna baroerej kénéh téa, toeroeg-toeroeg katingali dina wanda salirana ébréh, satingkah saparipolah lain djalma djoré-djoré.

Awitna mah éta anoe doea djadjaka téh nja ngaréntjang biasa baé di Kangdjeng Soeltanna téh, tapi lami ti lami lantaran katingali kasatriaanana sareng katoehoeanana, beuki tambah kadeuheus nepi ka didamel tangan-tangan karadjaan, ngahiras djadi pamanggoeling djoerit, ngaping Kangdjeng Soeltan siang wengi.

Tah, kitoe salsilahna wedalan soengapan Sadjarah Banten mah; tapi nja éta sakoemaha anoe parantos ditjarioskeun tadi, bet pada-pada téa, ieu téh soelaja sareng wedalan Djawa, Kieu ari anoe awit ti hoeloewotan Djawa mah, salsilahna Ki Ageng Pamanahan téh:

1. Istri djenenganana Ratoe Pembajoen.
2. Aria Damar, anoe didjadikeun Radja di Palémbang,
3. Radén Patah, anoe ngadeg Soeltan di Bintara (Demak).
4. Lenboe Peteng.
5. Batara Katong.
6. Bondan Kadjawan, poetra ti istri oe­rang Banda téa.
7. Djaran Panolih.
8. Radén Goegoer.

Nalika Bondan Kadjawan dibobotkeun, nja éta dina mangsa iboena ngandeg, (katrangan pang Brawidjaja poetraan ti ieu Nji Bondan mah, sami baé pada disebatkeun tilas landong kasawat abot téa), Kangdjeng Radja ngimpén aja moerangkalih anoe ngareboet makoeta karadjaan anoe keur dianggo koe andjeunna, Barang dimoesawarahkeun ka para pandita para adjar anoe waratjis lalepoes, nja kénging katrangan jén kinten-kinten 8 atawa 9 taoen deui lamina, Kangdjeng Radja bakal aja anoe ngalindih, sarta karadjaan baris kareboet, Dina panjangka para pandita sareng katjotjogan koe pangira para adjar, geus moal boa éta anoe kagoengan galagat anoe kaimpén koe Kangdjeng Radja téh, tangtoe moerangkalih anoe harita keur dibobotkeun kénéh, koe margi kitoe panoedoehan anoe lalepoes, koe Kangdjeng Radja parantos diadjam jén dimana geus medal sarta méméh tepi kana joeswa 8 taoen baris ladjeng ditelasan.

Barang éta moerangkalih parantos dibaharkeun nja didjenenganan Bondan Kadjawan, sok koe Kangdjeng Radja dipaparinkeun ka Ki Boejoet Masahar, soepaja éta moerangkalih dipiara heula, engké dimana geus joeswa 7 at. 8 taoen kakara koedoe dipaéhan.

Tapi Ki Boejoet Masahar anoe ngarorok éta moerangkalih ti orokna, kabeulit koe asih katalian koe njaah, geus teu asa ka anak poeloeng, komo ari pamadjikanana mah, kanjaah taja hinggana, taja petana tepi ka téga maéhan boedak anoe geus sasat djadi anak, malah ana ras inget

Si Tjentangbarang harooang bengong ngaheujeukan tjis di sisi talaga, sarta bakating koe bingoeng djeung kadoehoeng, ngan kerewes bae ngegelan awakna datang ka radjet, hos paeh di dinja. Ari tjis oeroet notog Kandjeng Radja tea, toeloej djadi di sisi eta talaga, nja ajeunana djadi hoe talaga anoe katjeloek kamatihanana tea.

Katjarioskeun Simbarkantjana barang ngadangoe ramana poepoes koe Ki Tjengtangbarang, kotjeak nangis maratan langit, ngaboedjeng ka padaleman; nanging barang beh karaton geus djadi sitoe, rampoejoek bae salira loengse, heunteu kendat sasambat ka iboe rama. Koe tjarogena dileledjar sangkan paler dikaleng ditjandak moelih ka boemi.

Raden Patih tjaroge Simbarkantjana boengangang manah, wireh laksana njapasedjaan, teu lami ladjeng bae ngadeg radja gegentos mertoeana, sarta Ki Tjitrasinga diangkat djadi papatih, ngapalaan para pongawa sadaja.

Saparantos ngadeg radja anjar, di nagara Talaga djadi werit rea paling, tina anoe djadi radja teu pisan kersa ngoeroes nagara, ngan woengkoel ngagoegoeloekeun kasoekaan, tjoerak-tjoerak borak-borak, selang-selang oedjoengan ngadoe djelema.

Saboeni-boenina noe iri, nja lami-lami mah katoengtik kadengkianana ratoe anjar, Simbarkantjana oeninga, jen pang Si Tjentangbarang boga lakoe kitoe teh, kalawan parentah rakana. Atoeh Simbarkantjana njoengkelit galih, njeri koe doea koe tiloe, ngenes ramana dikaniaja teu toea teu dosa, ngangres ningali pangeusi nagri nepi ka geus sakitoe roeksakna, tjoea ningali taladjak raka. Siang wengi teu kendat ngamanah hajang males pati ka anoe djoelig.

Kaleresan dini hidji dinten Kangdjeng Radja moendoet dipoendajan ka garwa, atoeh Simbarkantjana asa mobok manggih gorowong. Barang rakana geus ngagelehe ebog dina pangkonanana, teu tata pasini deui koesiwel andjeunna njaboet patrem koetjiwek bae rakana ditoebles, harita keneh poepoes teu kungsi dipindo.

Sapoepoesna tjarogena, Simbarkantjana enggal ngahatoeranan Bagawan Garasiang saderek ramana sarta dikoemahaan saha anoe koedoe djadi radja di Talaga.

Koe Bagawan Garasiang didawoehkeun jen samemeh Raden Pangloerah loengsoer mah, moelih mentas tatapa tea anoe kedah djadi radja teh nja Simbarkantjana bae heula, sarta harita keneh nimbalan magelaran ngembarkeun jen Simbarkantjana djadi radja di Talaga.

Sigeg anoe nembe ngadeg narpati, katjarioskeun Rd. Pangloerah geus djedjeg tapana di Goenoeng Bitoeng, ladjeng loengsoer arek moelih ka nagara. Barang soemping ka hidji pasir niis heula di dinja, noe mawi eta tempat diseboet Paniis tepi ka ajeuna, andjeuna sindang ka hidji saoeng anoe bogana aki-aki djeung nini-nini.

Aki-aki oendjoekan ka anoe nembe loengsoer mentas tapa njarioskeun kaajaan di nagara, ditetek ti awit Simbarkantjana kagoengan tjaroge nepi ka karaton djadi talaga.

Raden Pangloerah nangis bawaning koe sedih emoet ka iboe ka rama, sarta nimbalan ka aki koedoe oendjoekan ka Kandjeng Ratoe ngoeningakeun jen andjeunna geus medal ti pangtapaan.

Barang Simbarkantjana ngadangoe pioendjoek aki, pahiboet nimbalan njajagikeun tandoe djoli samaktana, sarta teu lila broel Ratoe djengkar mapag saderekna. Dina gokna tepang Rd. Pangloerah sareng Simbarkantjana silih rangkoel nangis paoengkoe-oengkoe emoet ka iboe ka rama.

Tjisotjana moeroeboet kana batoe moenggah ngoemplang, tepi ka ajeuna aja keneh batoena legok, sarta tjaina anoe njangkroeng di dinja, koe oerang dinja sok diparake oebar.

Sasoempingna ka nagara, Raden Pangloerah teu kersa djadi radja, ladjeng bae masrahkeun karadjaan ka raina. Awitna mah Simbarkantjana henteu kersa, tapi tina dipaksa nja teu madjah koemaha, moeng aja tandjakanana jen ti wangkit eta salamina anoe djadi ratoe di Talaga kedah istri.

Raden Pangloerah mah teu lami deui di nagara teh, tina teu kiat nandang soeng

Koe margi kaleleban koe saderek, kanjeri katilar iboe rama atjan poelih, toengtoengna brek Simbarkantjana teu damang. Andjeunna ngadamel saembara: Saha-saha anoe bisa ngalandongan kasawatna baris dianggo tjaroge.

Ki Tjatrik Kabingbat anoe nampi dawoehan, enggal ngembarkeun eta saembara, nakol bende di aloen-aloen.

Katjarioskeun Adjar Koetamanggoe soemping ka nagara kersana reh ngalandongan radja. Dadak sakala Simbarkantjana damang, atoeh ladjeng bae rendengan.

Ti Ki Andjar Koetamanggoe kagoengan poetra toejoeh, hidji istri genep pameget. Anoe istri djenenganana Nji Ratoe Paroeng, nja andjeunna anoe ngagentos aboena mangkoe kadaton Talaga. Ari anoe pameget nja eta: 1 Soenan Thihaoer, 2 Soenan Koentoel Poetih, 3 Soenan Kerokbatok, 4 Soenan Boengboelang, 5 Soenan Tegaltjaoe, 6 Soenan Kasorogok anoe linggih di Pandjaloe.

Nji Ratoe Paroeng kagoengan tjaroge ka Raden Rangga Mantri menak poetra padjadjaran, kagoengan poetra opat pemeget sadajana, hidji Soenan Wanapeurih, doea Dalem Loemadjang, tiloe Soenan Haoerkoening, opat Oemboel Oearkahot.

Koe margi teu kagoengan poetra istri, Talaga pegat roendajan, henteu aja piratoeeunana noe pinoeloejkeuneun mangkoe kadaton, nja lami-lami mah doegi ka roentagna.

Kitoe tjatoer pitoetoering sepoeh.

Kana pernahna mah kawasna moal aja anoe teu oeninga Singaparna teh, tina sakitoe katjeloekna reh djelema-djelemana raradjin, seungkeur kana anjam-anjaman. Di pasar-pasar soemawoenten dina tongtonan-tongtonan karadjinan, tangtos oerang ningali barang anjaman boeatan Singaparna, aja samak, aja dompet, aja doedoekoej, si

Tapi . . . nadjan eta tempat sakitoe kawentarna, lamoen pek oerang naja ka oerang didinja, atawa ka oerang Tasikmalaja: “Naon sababna anoe matak eta tempat dingaranan atawa diseboet Singaparna?”. Kawasna rea anoe ngoeak-ngioek, ngawalon koe walahoe alam aka anoe nanja teh.

Eta tempat make boga ngaran kitoe, bet kawas ngaran njelap, asa teu merenah natangga di Soenda, da ngaran tempat anoe make singa-singa kitoe mah koedoe baoe Malajoe; ninggang lamoen teu anggang ti Singapoer teh.

Koe margi eta tjing oerang tjoektjroek, naon margina pang lebah dinja diseboet Singaparna.

Moenggoeh di oerang, saoer anoe oeninga, meh oenggal ngaran tempat pada aja toetoeroenanana, ajasasakalana, aja dongengna atawa babadna, aja anoe parantos kapendak aja anoe njaroempoet keneh katranganana, teu atjan kagoear sadajana.

Doepi Singaparna kieu asal moeasalna:

Eta tempat teh baheulana mah lain Singaparna ngaranna, ari noe matak diseboet kitoe asalna tina:

“Tanah kagoengan Ki Singaparana”, nja eta tanah anoe geus dipaparinkeun koe Dipati Timbanganten ka Ki Singaparana tea. Djadi eta tempat teh ngaranna katelah koe anoe kagoengan. Lila-lila tina djenengan Singaparana nja robah djadi Singaparna, tjara Djajakerta robah djadi Djaketra.

Eta katrangan anoe bieu teh lain kirata, tapi estoe enja kitoe, malah aja saksina, nja eta piagem Ki Singaparana, nalika nampi paparin eta tanah ti Dipati Timbanganten tea. Kieu oengelna piagemna:

Penget soerat piagem toeroenan saking piagem kang dingin-dingin, dening sampoen roeksak papanipoen. Wondening oenine:

Penget soerat piagem isoen Dipati Timbanganten kagadoeh dening paman Singaprana, paman Singaprana soen enggonaken ing boemine ing Radja . . . Ki . . . Wangsadikarija Sira raksanen ponta wongatoewa Sira dewek saoendakara, Sira roemaksa, kalajan sapisanne bokana kang ngadjanam, kapindone bok ana kang mitenahi, kang ping teloene bok ana kang ngadonani.

Ikoe ta sira den ijatna adja aweh den amboeng dening wong lian ikoe sangare pitenah, jen si ana arepa ngambah koedoe amaksa, sira terapana poeloenganna kerise katoer maring ingsoen, ikoe ta rajat sira wong Radja, den pada ngestokena ing oendang ingsoen kang moeni ing soerat pijagem. Kala noelis ing dina Djoemaah tanggal ping woloe woelan Sawal ing taoen alip.

Kala noeroen pijagem ing dina Djoemaah tanggal pat likoer woelan Djoemadilawal ing tahoen Alip ing tahoen 1203. Titi toelis Bagoes Djaja.

. . . . . . . . . .

Tah kitoe oenggelna eta piagem teh, anoe kapendak ti kampoeng Naga di wates distrik Singaparna sareng Mangoenredja apdeling Tasikmalaja.

Diseratna ata pigem dina koeningan sarta sakoemaha anoe kaoenggel di dinja, jen eta piagem teh geus beunang njalin tina piagem asal anoe roeksak.

Disalinna; dina taoen Hidjrah 1203 koe Bagoes Djaja, djadi tepi ka ajeuna ti wangkid dipindahkeun kana eta koeningan parantos 140 taoen.

Eta piagem koeningan koe oerang dinja dianggap kaboejoetan, dipoesti-poesti malah bedjana sok radjeun dipoendjoeng-poendjoeng sagala. Oentoeng katjida karoehoen ngawaris kabiasaan anoe toemerap dina kapertjajaan saroepa kitoe, da tjatjak lamoen teu aja basa kaboejoetan, moal boa eta piagem geus djadi parab djarian.

mentaan, Wadana marentah menta ka tjamat, tjamat marentah menta ka loerah, loerah ka toea kampoeng, koedoe njajab keur sadiaan, aja endog aja hajam aja kalapa, beas djeung sagala bae, ka djeroek djeroek dipoepoe ti pilemboeran teh. Broel atoeh gotongan tebok teh diiringkeun koe tanggoengan soeloeh, rimbil koe tjalongtjong hajam, moeroedoel ti oenggal desa. Tapi eta anoe di-ka-pakemitankeun teh, geus njarahtjalan di jalan, tinggaleun di goah loerah di katjamatan; anoe matak baheula mah ana aja kitoe teh moetjekil sarerea kapala mah, ngan somah bae anoe karorontjodan teh. Tampolana aja toekangna anoe ngabakoe, djaba anoe bieu teh, toekang njajab ka oenggal imah mentaan endog, hajam, beas, diseboetna prijaji. Eta toekang menta maksa teh oerang dajeuh atawa oerang pakemitan, tjara njokotan anoena bae eta teh.

Kawadanaan ditetebahan tjara arek karia bae, imah kapala anoe sedjen nja kitoe deui keur tempat pangiring ti dajeuh.

Ari somahan, lian ti geus karorontjodan teh djeung dikeprik kana gawe ngome djalan deui, dialoes saharitaeun mah djalan teh, dibabad koetana, dilelempeng, didadak dikeusik, djoekoetna diketok, malah tampolana mah koedoe disapoean. Nja kitoe deui papageran sakoer anoe sisi djalan mah koedoe diomean atawa didadak diganti, pahiboet djelema teh.

Tah, ana tepi kana waktoena dalem djengkar, mimiti palatoek pangheulana pisan meleteng toempak koeda ditegarkeun, nja eta anoe djadi tanda pikeun mere njaho ka djelema-djelema anoe baris kaliwatan koe dalem tea. Dalem mah sapal deui palatoek mah geus ngaliwat. Djelema-djelema moenggah njotjok dina oenggal lawang teh, pada ngahadja hajang ngahormat katambah hajang laladjo, ari geus lar palatoek, brek hempak kabeh darioek, bari pada ngarep-ngarep larna abroelan tea. Ti kadjaoehan geus tembong, pangheulana tjamat toempak koeda, beunang make kadinesan, doedoekoej polet, solempang pasmen, badjoe hideung diparet kantjing, tja-

Di aloen-aloen kawadanaan geus pinoeh koe sagala roepa tatabeuhan, ronggeng sababaraha rombong, koromong, renteng, ogel, angkloeng, terebang. Anoe laladjo djedjel, malah sakapeung mah sok aja pamaenan sagala.

Ana djol abroelan datang, brek djelema dioek hempak kabeh, breng tatabeuhan ditabeuh bareng tjara anoe ngaleunggeuh geus teu poegoeh dengekeunana, sora tatabeuhan kasawoer ku sora koeda ting haroang, ting haroang, sora petjoet lopor pating beledag ting beledog patarik-tarik. Peutingna ger pesta soekan-soekan sarerea.

Tah kitoe baheula mah.

Menggahing adat kabiasaan sepuh baheula, Nji Sri teh dianggap pangmoeljana; dalah ajeuna oge kitoe keneh. Koemargi kitoe, satingkah paripolah oerang dina waktos ngagarap Nji Sri teh kedah hormat pisan, malah oelah tinggal di djampe, margi Njai Sri teh:

a. Tangkal Njai Sri diangken tataning manoesa,

b. Daoen Njai Sri diangken daginging manoesa,

c. Gagang Njai Sri diangken gagang njawa ing manoesa,

d. Boeloe Njai Sri diangken boeloe ramboeting manoesa, sareng

e. Siki Njai Sri diangken papat kalipoeloeh manoesa, henteu dat ngoelon, henteu dat ngaler, henteu dat ngidoel, henteu dat ngetan, henteu dat loehoer, henteu dat handap, henteu dat mana-mana nja ingsoen kang adegning manoesa. “Saoer sepoeh.

Eta noe disebat di loehoer ti a.d.k.f. teh netelakeun kitoe kaagoenganana Nji Sri. “Kitoe ngagoengkeunana sepah oerang ka andjeunna teh.”

Biasana pare noe parantos di leuit teh ditoetoe, eta teh biasana tara tinggal ti djampe.

Soepados teu leungit talari karoehoen, noe parantos kaloeli-loeli koe djalma djaman kiwari. Ieu di handap oerang dadarkeun pokpokanana waktoe Njai Sri dikoeah kieuh.

Soekma kangden noetoe, soekma kangden toetoe, soekma sari moelia badan sampoerna, sampoerna ku panarima.

Saparantosna djadi beas, eta beas teh memeh dilebetkeun kana padaringan (pabeasan) sok diwadahan kana said heula teras njioek tjai atah saoendem, pek diteundeun (dtoempangkeun) kana beas noe dina said tea, kieu djampena :

Allohoema do’a Maskoemambang, redjeki saking Pangeran, poedji djati koedratulah, berekat saking nabi, nabi Moehammad.

Saparantosna kitoe, ladjeng beas teh dilebetkeun kana djero pabeasan, kieu djampena :

“Mangga Nji Pohatji Njimas Alanae, Njimas Moelane, geura ngalih ka gedong manik ratna inten, abdi ngiringan. Ashadoe sahadat panata, panetep agama, ikoekang djoemeneng Lohelapi, kang ana te-

Teras dikoekoesan, kieu djampena :

Ashadoe anla ila hailleloh, waashadoe anna Moehammadarrasoellah. Abdi sedja babakti ka noe seda sakti, agoeng tapa, njanggakeun sangoe poetih sapoeloekan, koekoes koening poerba herang, toedoeh kang saseda toehoe, datang ka sang seda herang, tepi ka sang sedi sakti, noe sakti neda kasakten, neda deugdeugan tandjeuran.

Boer gajoeng manala tjipta, gedong manik wisesa, herang noe herang. Pohatji maja herang, Njai Pohatji naga pamana, Nji Pohatji naga sakti, mangka reureug mangka pageuh.

Roep koe singoeb, rap koe sang moetiara poetih, ret meneng djadi sasiki. (oendemna disimpen deui bari diteueulkeun tiloe kali, sarta oelah ngambekan).

Mangga Njimas Alane, Njimas Moelane geura siram, dibanjoe moe’min, di talaga kalkaosar, abdi ngiringan. (ladjeng digesoh), kieu djampena.

Njai Pohatji boedoegoel woeloeng, oelah djail ka babawaan koela. Heug! (ditembalan koe sorangan).

Teras tjampean tjaina, kieu djampena :

Nji Pohatji barengan djati, oelah djail kaniaja, ka Nji Pohatji soekma djadi; “Heug!” (ditembalan koe sorangan), nepi kaberesihna.

Bismillah’ irohman nirrahim, mangga Nji Pohatji oerang moelih. (regedeg bae).

Bismillah hirohman nirohim.

Mangga Lohelapi (goer nioep seuneu).

Ashadoe sahadat Patimah, Patimah Patimoerasa, sahadat nabi Patimah, Patimah Nabi Moehammad s.a.w.

Kana ieu ketjap roepina geus moal aja noe bireuk deui, margi dina elmoe Soenda reopaning djadjampean sagala roepi sapertos; djampe wedoek, kabedasan, katimboelan, teloeh, asihan sareng sadjabi ti eta, tjeuk toedoehna lamoen hajang matih koedoe ditapaan.

Ari tapa tea sanes saroepi, geura oerang tataan:

Mati geni. Teu dahar teu leueut teu sare malah teu meunang ngomong-ngomong atjan, antek-antekna papanggih djeung djelema oge teu meunang, koedoe saperti djelema paeh bae, geuning ketjapna oge mati hartina paeh, tapi ditoengtoengan koe geni njatana seuneu, hiroep teu naon teu naon ngan oekoer woedjoedna bae.

Aja deui mati geni noe ngan dilarang dahar leueut sare bae ari naon-naon mah meunang.

POEASA. Nja biasa bae tjara poeasa perloe, tapi aja atoeran dina boekana, aja noe koedoe tjai woengkoel, sangoe woengkoel sareng djabi ti eta seueur deui roepi-roepi.

MOETIH. Noe didaharna woengkoel sangoe djeung tjai atah, salian ti eta teu meunang.

KANAAT. Teu meunang nginoem sama sakali.

MATANG POELOEH. Soegrining noe kaseboet lauk, boh laoek tjai atawa laoek darat (kajaning daging embe moending s.dj.t.e) dilarang diteda.

TEU SARE. Naon-naon meunang didahar masing rek nepi kamerkaan oge anging sare teu meunang.

NGALALAB. Teu meunang dahar naon-naon deui salian ti lalab djeung tjai.

NGETAN. Dilarang dahar sangoe pare biasa, gagantina nja ketan tea.

NGALONG. Tapa dina dahan (loehoer) kai. (Tapa soengsang).

NGIDANG. Mileuweungan sakumaha lakoe kidang.

Sareng seueur-seueur deui djabi ti eta noe kasebat di loehoer.

Ieu hal tapa katjida dikoekoehanana koe noe palalertjaja kana djadjampean, sabab tjenah moen djampe teu ditapaan moal aja goenana tjindekna moal pinanggih kamatihanana (hasiatna). Geuning remen pisan sepoeh-sepoeh njaoerkeun kieu: “Koedoe daek koeroe tjileuh kentel peudjit ari hajang aja pangabisa.”

Salian ti napaan djadjampean oge, loba pisan noe ngadon tapa di pakoeboeran-pakoeboeran noe dianggap Karamat atawa di padjaratan bangsa djago-djago baheula anoe sarakti, tjenah ngalap karamat sapaat maoenatna anoe dipendem didinja, sok komo deui dipakoeboeran para wali mah saperti Pamidjahan, Goenoeng Djati dj.s.t. malah oepami teu lepat kapoengkoer mendakan wartos di Goeha Pamidjahan aja noe tapa teras adjal djalaran kalaparan, tah ieu hidji tawis hal tapa teu kinten dipertjanten ku bangsa Soenda.

Djisim koering pribados parantos sering mendakan pakoeboeran di tengah leuweung loewang liwoeng, tjeuk tjariosna taja sanes moeng pakoeboeran ahli tapa noe teras doegi ka maotna didinja.

Tina bangetna hate panasaran hojong terang naon margina bet make aja atoeran tapa, teras dipapaj ka para sepah ditjoektjroek di soesoel tepoes, manahareng teh kitoe; hidji sepoeh nerangkeunana kieu:

„Asal-moeasalna aja basa tapa, kawantoe noe baheula djaman nagara tatjan kerta, rampog paling taja karisina, tjara ajeuna ku poelisi djeung sok remen peperangan, geloet sili paehan teh itoeng didjieun kaoelinan, njawa teu pati aja hargana, nja loba noe hajang liet koelit teuas toelang bedas tanaga, tina bangeting maksoed kasoeroeng koe pereloe tuluj njipta-njipta ngaroentoejkeun ketjap disoesoeroep koe lelem boeatan soepaja ninggan basana noe disedja, oepamana hajang wedoek . . . . .

Ana katingal koe anoe lian loba noe hajang noeroetan hajang goeroe djampe wedoek, ana prak teh diwoeroek djampena koedoe bae diteroesan koe piwoelang katetepan tatapana saperti anoe geus kalakonan tea, nja eta waktoe mimiti ngamaksoed nepi ka di kaboelna, lilana sakitoe poe tjenah.

Ahirna toeroen-toemoeroen nepi ka ajeuna, dimana aja djampena ditetepkeun kawadjiban tatapana.

Koemaha ari djelema djaman ajeuna? Njaho dibasa tapa teu njaho harti sadjatining tapa, noe matak djampe-djampe koerang kamatihanana. Naha diseboet kitoe? Nja eta ngan noeroetan bae tapa, teu dahar teu sare teh koe noe ajeuna minangka didjieun patokan nomer hidjina, sedeng saenjana noe baheula mah kitoena teh lain dihadja tapi kapopohokeun koe awahing tjengeng maksoed, djadi ari patokanana noe toelen mah nja hate tea.

Tjik mangga eta saoer sepoeh kitoe teh soeroepkeun ka elmoe batoer. Asana rada ninggang, geura mangga emoetkeun sanes? Djol babasan anjar: “Asal manteng tangtoe pareng, komo kana ieu mah asa soeroep pisan. Tjik boeka boekoe elmoe deungeun, ieu bae lanan geura noe geus ilahar diparake koe baroedak ngora boekoe elmoe Spritisme, mangga aos dina

Teu sadjalana elmoe oerang sareng elmoe deungeun teh, eta ari di oerang dipatok koe tapa, ari dibatoer dipapaj raratanana naon sadjatina, toer maksadna mah satali tiga oeang.

Ana kitoe djadi hate gilig panteng kanoe hidji noe matak diidjabah temahna teh lain lantaran tapa njiksa awak.

Kitoe oge teu aja salahna moenggoeh dikaroehoen oerang, moal samata-mata ngadjoeroeng tapa moen teu aja sababna, meureun tjarek manahna: “Lamoen enja manehna hajang, tanda toehoe ka noe dimaksoed, tangtoe tandjakan sakitoe disorang, totonde tigin atina mikahajang kana hal eta, da kapan patokanana kaboel maksoed eta koedoe koe panana tea. Lamoen teu dibere patokan tapa kitoe tinangtoe atina gampang karatjana kasilih koe napsoe kana neteg eusi beuteung, temahna niatna moal laksana.”

Rasa dibaroeng koe wahjoe,

titis toemetesing ati,

ketjlakna rasa noe sirna,

nganteng gilig tigin pasti,

poerwa dat tjipta pangroewat,

limakon karep awaking.

Tah kitoe pamendak djisim koering mah, tjik soegan aja deui noe sanes noe teu sapagodos, soemangga geura dadarkeun.

Ras deui kana noe tapa dipakoeboeran, madjar maneh ngalap karamat neda-neda njoehoenkeun berkah sapaat noe dikoeboer didinja.

Tilik heula noe tapa teh saha?

Is geuninga bangsa Islam.

Tjik oerang tjoektjroek dina Agama Islam naha aja noe marentah atawa ngesahkeun kalakoean kitoe?

Tjik oerang boeka kitab, geuning ieu tjarek chadis: “ANNA MAN KANA QABLAKOEM KANOE, JATACHIDOENA ALQOEBOERA MASADJIDDA FA INNI ANHAKOEM ANDZALIK.” Geuning kitoe tjenah tah tjeuk kitab, tjobi maranah oepami njieun kalakoean kitoe neda-neda ka noe geus maot sami bae sareng

Aeh bet kalepasan njarios teh nganggo njabit-njabit kana Agama, neda ditawakoep bae, koemaha atoeh djalaran hal tapa teh lain dina elmoe poesaka Soenda bae, di deungeun oge rea, geuning tjenah moen hajang diidjabah koe Dewa teh tapa bae tangtoe hasil noe dimaksoed. Aja basa sidakep sinoekoe toenggal ninggal raga tinggal soekma.

Beh dieuna dina lalakon Oentoeng Soerapati karangan Melati van Java, geuninga tjenah Soerapati teh indit ka Goenoeng Lawoe arek toemaros ka Dewa, tah toemarosna teh dina djero moedjasmedi (tapa), tapi dina Agama Islam oge aja.

Tjik kinten-kintenna moen oerang ajeuna hajang njarios sareng Dewa disaratan koe tapa tjara noe baheula tiasa kadjadian?

Aeh kapang Soerapati oge rasiahna mah lain Dewa noe nembalan teh tapi si Kate Boeroekoedoer.

Sakitoe katerang djisim koering teh, tjik soegan aja noe sanes deui.

Tjoer gedah tjoer baedah, tjoer sadjeroning gedah, ka heuleut-heuleutna boemi, sela-selana banjoe, boemi soetji, banjoe soeka moelja, badan sampoerna, sampoerna koe panarima.

Allahoemi mianl hoebsi, minal wahabaesi, aehalah satoehoena amlindoeng, amaing Toehan, aneda pangampoera, tebena bilir, isoen arep angboeang angnadjis, heuleut-heuleutna boemi, sela-selana banjoe, boemi soetji, banjoe soeka moelja, badan sampoerna sampoerna koe panarima.

Sri toendjoeng peotih, sri toendjoeng ladan, sri toendjoeng ladan, sri toendjoeng boeana sakeupeul satoenggal tineung sasiki satoenggal manahe, oelah sirik manah, noe dipoeloek soetji, noe moeloek soetji, dat poetih koe soekma sari, dat poetih koe soekma rasa, dat poetih toeggal keresa.

Allohoema iboe boemi, medal tatapakan, toeroen wawajangan ing Moehammad, birahmatika, ja arohama rohimin.

Ashadoe sahadat boemi, ma ajoe malebetan, boemi rangsak tanpa werat, lan tatapakan ing Moehammad, birah matika kaja arohama rohimin.

Si Semar datang, Si Togog poejoeh goemoejoeh, sangkan hewan sangkan mati ngaran talaga ditjai, saboelan meunang ngaherang, doea mana ngalenggang, tiloe mana goemoeloeng, opat mangroepa, limana oesik, genep boelan koemoeroeloh, koemoeroeloh, toedjoeh boelan djoega nata, dalapan boelan tjonggeang, noe larang malik ka handap, salapan boelan godebag, godebag ka mata sare, ao tandana roepana, si Risih si Marangasih, si Rasah si manaranewa, seuweu ratu komo iroet, seuweu menak satjakan sewa dewata, komo loeloet komo anoet, komo welas komo asih ka awaking, awaking gedjleg sorangan.

Noe ngarieong djiga loetoeng, noe ngarendeng djiga monyet, nja aing mandahna! Maoeng poendoeng datang toeroe, badak galak datang depa, galoedra di tengah imah, kakeureut kasieup koe pohatji awaking.

Amit godong sampoernaning godong, njot boel, njot boel, njot boel.

Seureuh seuri, pinang nangtang, apoena galoeget angen, gambirna pamoeket angen, bakona goelaga sari, tjoh njaj, parapat njaj, leko lenjaj, tjoetjoendoeking aing, taroek harendong, tjoetjoendoeking aing, taroek pakoe hoerang keuna koe asihan awaking, asihan si leugeut teureup.

Si Semar hah-hah-hah-hah,

Si Semar hih-hih-hih-hih,

Si Semar anggoelitek anggoelidjeng.

Samping beureum meubeut keuneung, samping koneng meubeut tjangkeng, ngaboeskeun leungeun badjoe koedoe ti katoehoe, kentja mah keur sawarega.

Njai oedjoeng sekar djingga,

didangdanan beuteungna make kawali,

djiga anoe reuneuh njemploe,

ditjandak ka pajoenan,

disandingkeun jahikna deukeut ka ratoe

Kotjap, adjar, patih datang;

geus aja pajoeneun goesti.

Ladjang adjar teh hatoeran:

“djisim abdi ngahatoerkeun pangabakti,

eta roepina sakitoe.”

Ladjeng ratoe mariksa:

“eta naon, geuning, kawas roepa daoen?”

Pok ki adjar teh hatoeran;

“reundeu asal ti noe ngirim.”

“Lamoen kitoe mah petana,

maneh adjar, adjar, mere seredan ka aing.”

Ratoe beuki tambah bendoe.

“Maneh, adjar kawasa,

tjing seug taksir, ari mangkena ngadjoeroe

ieu pamadjikan oerang,

medal pameget ta istri?”

Ratoe ngandika ka adjar:

“ieu kasakit koe maneh teh sing leungit

maneh anoe njieun kitoe.”

Adjar henteu tarima,

Teu moepakat pada djalma njieun kitoe,

Wondening koedoe walaras,

eta sagala panjakit.

Adjar toeloej ngawalonan;

“noen, soemoehoen, perkawia pariksa goesti,

koemaha kersana ratoe,

menggah taksiran abdi mah,

ari babar mangke eta Njai Oedjoeng,

geus kantenan moal tjidra,

poetrana eta lalaki.”

Ratoe, gantjang, ngabendoean,

“Adjar naon maneh teh, henteu sajakti,

ajeuna koedoe dihoekoem,

sababna hatoer dosa.

Lain reuneuh, enja soteh eta njemploe,

Meunang kami ngadangdanan

Dititah ngandoeng kawali.”