Un sacco bello

Un sacco bello

Paeze	Itàłia
Zènare	film comèdia
Spàsio d'anbientasion	Roma
Ecuìp tècnega
Senejador	Leonardo Benvenuti (it) , Piero De Bernardi (it) e Carlo Verdone
Fotografia	Ennio Guarnieri (it)
Montador	Eugenio Alabiso (it)
Senògrafo	Carlo Simi (it)
Diretor	Carlo Verdone
Conpozitor	Ennio Morricone (it)
Atori	Carlo Verdone Mario Brega (it) Renato Scarpa (it) Veronica Miriel (it) Isabella De Bernardi (it) Sandro Ghiani (it) Maria Mizar Ferrara (it) Luciano Bonanni (it) Pietro Zardini (it) Eolo Capritti (it) Ada Crostona (it) Lina Franchi (it) Nello Appodia (it)
Conpangnia produtora	Medusa Film (it)
Łéngua orizenałe	italian
Durada dei capìtułi	97 min
Pì informasion

Un sacco bello, el ze un film del 1980 direto e intarpretà da Carlo Verdone.

El costituise el fortunà ezordio come rejista, senejador e ator protagonista de Verdone, che interpreta i tre protagonisti insenbre ad altri tre personazi segondari. Par ła so intarpretasion Verdone ga vinsesto un David Speciale ai David di Donatello 1980, un Globo d'oro al mejo ator rivełasion e un Nastro d'argento al mejo ator ezordiente ai Nastri d'argento 1980.

Ła storia ła ze anbientada in una Roma feragostana sołegiada e dezerta.

Enzo ze un iriduzibiłe tozon scuazi de trent'ani e privo di amighi. Portando co sé pene a sfera e calse de nylon, el convinse el so demotivà conosente Sergio a partire insenbre par na vacansa aventuroza in Połonia. 'Pena fora sità, sto cua vertise un fortisimo mal ed Enzo se cata costreto a far tapa in un ospeałe, andove el intratien infermieri e portantini co raconti mirabołanti. El recovero d'urzensa de Sergio par calcołozi biliar fa sfumar el viazo. Enzo no'l se dà par vinto e'l se mete a ła desperada reserca de calcheduni co cui renpiasarlo.

Modeło:Dx Leo ze un inzenuo e gofo tozo de Trastevere, osesionà da ła mare che ło speta a Ladispoli par pasar el Feragosto. Tornando caza da far ła spesa, el incontra Marisol, na zovane toza foresta spanjoła in dificoltà che ło convinse ad ospitarla a caza, a conpanjarla par Roma e po' a organizar na romàntega sena in terasa. Siben par che posa náser del tènaro, sol più beło riva in caza el so morozo de èła.

Ruggero, un hippie convinsùo de aver avuo na vizion mistega, el vive in ritiro in una comunidà in Toscana, indove el se profesa l'amor łibaro e'l "destaco dal mondo materiałistego". Catandose a Roma co ła so moroza Fiorenza par fare de ła sérca ad un incrozo, el incontra par caso al semaforo so pare, el cuało, inte el tentadivo de convinser so fio a tornar caza a rentrar inte i ranghi, el invida i do a tor un cafè a caza. Łì ła copia se intratien co na bizlàca terna de personazi - pare Alfio, l'autoridario profesor visin de caza e el cuzin Anselmo - in cueło che si trasforma via via in un sureałe e patètego diàłogo tra sordi. Inte el pien de ła note echiza un forte boato^[1]. Ruggero se zlontana da so pare rodesto da miłe dubi, fazendoghe eco el comento garbo de Fiorenza. El matin drio Enzo pare riusio a catar un conpanjo de viajo, prezentandose un ingrotìo ”amigo de un amigo”, ma 'pena partii, l'imàjine ła se soferma pietozamente so na màcia de ojo łasà da ła vetura. Leo se sveja soło reciapando ła vita frustrante de tuti i dì.

(VEC)
«Un sacco bello reciapava inte el titoło uno dei so tormentoni tìpeghi e, inte ła strutura, somejava a na pontada de Non stop: tre storie che se intersa e consente a l'ator de vestir sie personazi, un sazo de bravura che se consedeva de frecuente el grandisimo Peter Sellers ma che inte el sinema itałian non zera tanto frecuente (calcosa de sìmiłe gaveva fazesto Ugo Tognazzi e Vittorio Gassman in I mostri de Dino Risi).»

— Antonello Panero^[2]

Réduze dal gran suceso del varietà tełevizivo Non stop, rezo famozo par el grando repertorio de personazi vari e caricaturałi, Verdone riseve numaroze proposte da produtori e registi.^[2] L'atore tutavia el refuda ła scritura dal regista Pasquale Festa Campanile par Il corpo della ragassa che da Adriano Celentano par Asso, spetando cueła che'l retien l'ocazion propisia^[2] speransa che presto devenja realtà venjendo razonzesto infin da Sergio Leone, del cuało el ze un gran amirador. El çełebre regista del Western all'Italiana sarà so mentore e produtor del so primo film, avente par sojeto el repertorio comico tełevizivo^[2], come anca inte el sucesivo Bianco, rosso e Verdone. Leone ga acuistà i deriti, par po' revendarli a ła Medusa Distribuzione.

Avałesti de ła cołaborasion de senejadori cofà Piero De Bernardi e Leonardo Benvenuti e dopo aver consultà altri registi come Lina Wertmüller e Steno, Leone conferirà a l'ator el posto de regia in cuanto "i personazi ze sui fin a ła méoła".^[2]

Prima de Veronica Miriel, ła parte de Marisol ła zera stà proponesta a Lory Del Santo e Lina Sastri.^[3]

El film vien zirà inte l'istà del 1979 "in sincue setemane e do dì" contro łe sete inisialmente prevedeste, co calche problema da parte del regista e protagonista, che ga acuzà a ła vizilia de l'inisio un forte ataco de maròidi. Intarpretar personazi propi, i cui diałoghi jera in mente prima ancora de scrivar ła senejadura, ghe ga dazesto el zusto inpulso e ga ga consentio de reduzer i tenpi, sparanjando na parte considerevołe del budget.

I esterni i ze zirà a Roma, respetivamente a:

• Porta Settimiana, a Trastevere, caza de Leo e strada de l'incontro con Marisol.
• Piasa de Santa Maria in Trastevere, osteło de ła zoventù.
• Bioparco, ex zardin zoołòzego de Roma.
• L'atuałe Via Luigi Petroselli, łogo de l'incontro e de conzedo tra Ruggero e'l padre, a l'epoca trato de Via del Teatro di Marcello.
• Porta San Paolo, indove so pare de Ruggero tełefona da na gabina pùblega.
• Via Giovanni Conti, inte el cuartier de Vigne Nuove, zona Bufalotta a nord de Roma, łogo de l'apontamento tra Sergio ed Enzo al çełebrà "Pało de ła Morte", atualmente cavà via^[4][5].
• Via Cassia Veientana (Cassia bis), sede del curto parcorso de Enzo e Sergio.
• Ospedale San Gallicano in Trastevere^[4], łogo de recovero de Sergio.
• Piazza dei Partigiani, davanti a ła Stasion Ostiense, sede de l'apontamento finałe de Enzo co l'amigo de Martucci.
• Via Giuseppe Garibaldi, visin Porta Settimiana a Trastevere, sena del comià de Leo ed incuadradura dei titołi de coa.

Vari łoghi del film ze deventai ojeto de intarese toristego, i ze contrasenjai da insenje o targhe comemoradive.

• A Porta Settimiana ze prezente na targa de insànpo ^[6]
• El "pało de ła morte" a Feragosto ze ojeto de pełegrinazo de pasionai. In ocazion dei 40 ani del film, anca cui ze stà ponesto un cartèło, co ła prezensa de Verdone e de Renato Scarpa ^[7]
• Senpre par el cuarantèzemo aniversario, Carlo Verdone ga tołesto un mezo Cotral dei ani 80 e'l ze stà trasportà a Ladispoli, a scoerzer na targa in piasa Rossellini ^[8][9]

1. ↑ Probabile allusione all'attentato dinamitardo in Piazza del Campidoglio nell'aprile 1979
2. ↑ ^{2,0 2,1 2,2 2,3 2,4} Antonello Panero (curà da), Tuttoverdone, Roma, Gremese, 1999, pp. 28-29, ISBN 88-7742-368-4.
3. ↑ {{Cita=https://www.youtube.com/watch?v=EsUTRIwHStE/>}}
4. ↑ ^{4,0 4,1} Un sacco bello (1980) - Forum - il Davinotti
5. ↑ Inte i contenjui spesiałi del dvd, in un'intervista a Renato Scarpa, vien indegà eroneamente in viałe Erminio Spalla inte el cuartier de Roma 70, visin a dove che ze l'EUR.
6. ↑ Targa d'inciampo in memoria del film Un sacco bellorerumromanarum.com. entrada il 21 de marso 2021.
7. ↑ "Un sacco bello" compie 40 anni, a Roma una targa par celebrare il film di Carlo VerdoneTgcom24. entrada il 21 de marso 2021.
8. ↑ Carlo Verdone torna a Ladispoli par i 40 anni di "Un sacco bello"la Repubblica, 5 de setenbre 2020. entrada il 21 de marso 2021.
9. ↑ Redazione, A 40 anni da ‘Un sacco bello’, Verdone (finalmente) arriva in autobus a LadispoliFrontiera Rieti, 1º de setenbre 2020. entrada il 21 de marso 2021.

• Scholia el detien schemi gràfeghi so Un sacco bello

• Un sacco bello | HD | Commedia | Film Completo in ItalianoYouTube, 9 de setenbre 2023.
• Un sacco belloCineDataBase, Rivista del cinematografo.
• Un sacco belloANICA, Archiviodelcinemaitaliano.it.
• (EN) Un sacco belloInternet Movie Database, IMDb.com.
• (EN) Un sacco belloAllMovie, All Media Network.
• (EN) Un sacco belloRotten Tomatoes, Flixster Inc.
• (EN, ES) Un sacco belloFilmAffinity.