Bylle

E byle of een appe is e zwoar stik alloam met een scherpe snee da gebruukt is vo te kappn.

D'oudste byln zyn de vuustbyln uut 't Paleolithicum. Doarachter woarn ze gemakt in koper, ton in brons, in yzer en doarachter in stoal. 'n Dag van vandoage zyn byln oltyd in stoal gemakt en gechromeerd vo beter tegen roest te kunn.

Byln weirdn gebruukt vor houtbewerkienge en lik woapn in de middeleeuwn. Ook d'Indioann in Amerika vondn de byle vrêe handig achter d'invoerienge deur de kolonistn. Ze gebruuktn ze vo vanolles, ook lik woapn vo te vichtn. Zuk 'n byle noemn ze ton ne tomahawk (byle vo te smytn).

In de middelêeuwn gebruuktn rechters ôok de byle vo mensn t'onthoofdn vôda de guillotine bestond.