Pyongyang

An Pyongyang, P'yŏngyang o kundi man Pyeongyang (평양직할시 Kinoreano: [pʰjʌŋ.jaŋ]; Ininglis nga pagluwas: US: /ˌpjɒŋˈjæŋ/, UK: /ˌpjʌŋˈjɑːŋ/,^[1]) amo an pamunuan ngan gidako-i nga syudad ha nasod han Amihanan nga Korea. Nahamutang an Pyongyang ha Salog Taedong mga 109 ka kilometro (68 nga milyas) ha iraya tikang han ganghaan hiní ha Dagat Darag. Sumala han 2008 nga census hin kamolupyohan, mayda ini kamolupyohan nga 3,255,288.^[2] An Pyongyang usá nga direkta-nga-gindudumara nga syudad (직할시; 直轄市; chikhalsi) nga mayda patas nga status ha lalawigan han Amihanan nga Korea.

Ginkikita an Pyongyang nga usá han mga gimaihai nga syudad ha Korea.^[3] Amo iní an pamunuan hin duhá nga kahadto nga mga Koreano nga mga ginhadi-an, Gojoseon ngan Goguryeo, ngan nagsirbe iní nga ikaduhá nga pamunuan han Goryeo. Nabungkag in dako nga bahin han syudad dida han Syahan nga Sino-Hapon nga Gera, kundi nabalik iní ha ilarom han pagdumara han Hapones ngan nagin industriyal nga sentro. Sunod han pagtukod han Amihanan nga Korea han 1948, nahimo an Pyongyang nga de facto nga pamunuan hiní. Nagkaguba an syudad na liwat dida han Gera Koreano, kundi gintukod hin utro katapos han gera upod hin pagbulig han mga Sovyetika.

An Pyongyang amo an sentro hin politika, industriya ngan panakayan han Amihanan nga Korea. Amo iní an balayan han dagko nga mga institusyon han gobyerno han Amihanan nga Korea, pati gihapon han nagdudumara nga Partido hin Trabaho han Korea.

Mga pinambasaran

↑ Wells, John C. (2008). Longman Pronunciation Dictionary (3rd ed.). Longman. ISBN 978-1-40588118-0. https://archive.org/details/longmanpronuncia0000unse.
↑ D P R Korea, 2008 Population Census, National Report (PDF file)] Ginhipos 2009-03-25 han Wayback Machine Ginkuhà han 17 Pebrero 2018.
↑ Ipakita an sayop: Invalid <ref> tag; no text was provided for refs named EBPyongyang

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.

An Wikimedia Commons mayda media nga nahahanungod han: Pyongyang

[1] Wells, John C. (2008). Longman Pronunciation Dictionary (3rd ed.). Longman. ISBN 978-1-40588118-0. https://archive.org/details/longmanpronuncia0000unse.

[Nkorea2008-2] D P R Korea, 2008 Population Census, National Report (PDF file)] Ginhipos 2009-03-25 han Wayback Machine Ginkuhà han 17 Pebrero 2018.

[EBPyongyang-3] Ipakita an sayop: Invalid <ref> tag; no text was provided for refs named EBPyongyang

[1]