გენაძახა ნაფეშერეფი (2009 წანაშ ფილმი)
| გენაძახა ნაფეშერეფი | |
| რეჟისორი: | |
|---|---|
| პროდიუსერი: | |
| სცენარიშ ავტორი: |
კვენტინ ტარანტინო |
| თარ როლეფს: |
ბრედ პიტი |
| მონტაჟი: | |
| კინოსტუდია: | |
| გჷშულაშ თარიღი: |
|
| ხანგჷნძარალა: |
153 წნ |
| ქიანა | |
| ნინა: | |
| მუშნალი: |
$ 321 455 689 მლნ |
| ვებხასჷლა: | |
გენაძახა ნაფეშერეფი — 2009 წანაშ ოურდუმე ფილმი, ნამუშ რეჟისორი დო სცენარიშ ავტორი რე კვენტინ ტარანტინო. თარი როლეფს არსულენს ბრედ პიტი, მელანი ლორანი, კრისტოფ ვალცი, ელი როტი დო დიანე კრუგერი. ფილმის თხრობელერი რე გუმოგონებური ისტორია ნაცისტური გერმანიაშ ლიდერი პოლიტიკოსეფიშ ჸვილუაშ ცადებაშ ჟირი გინორთელი ანდაზაშ გეშა. მაართა ულამუდჷ ფრანგი ურიას შოშანას, მაჟირა ამერიკალ ურიას ოურდუმეს, ნამუეფსჷთ დუდენს ალდო რეინი.
ტარანტინოქ 1998 წანას დოჭარჷ ფილმიშ სცენარი, მორო ათე პროექტი მუმალ ბორჯიშო გინოდჷ დო გინიღჷ ჟირნორთიანი ფილმი „დოჸვილი ბილი“. თიში უკული, მუთი 2007 წანას გინიღჷ ფილმი „ღურაშ ნტკიცებულება“, თინაქ კინ დართჷ „გენაძახა ნაფეშერეფს“ მუშობას. ფილმიშ გინოღალაქ დიჭყჷ 2008 წანაშ გჷმათუთას დო მიშუ გერმანიას დო საფრანგეთის. თიში ბიუჯეტი აკადგინანდჷ $70 მილიონს. „გენეძახა ნაფეშერეფიშ“ პრემიერაქ იჸუ 20 მესის კანიშ კინოფესტივალს. ათე წანაშ მარაშინათუთას ფილმი კინოგაქირებაშა გიშართჷ ამერიკაშ აკოართაფილი შტატეფს დო ევროპას.
ფილმიქ კინოგაქირებას წჷმოძინას მიოჭირინუ დო თიში მიშნაველქ აკადგინჷ $321 455 689, მუთით თიქი იჸუ არძაშე მაღალმიშნაველამი ტარანტინოშ ფილმეფს შქას, „ჯანგო ალებურიშ“ გიშულაშა.
როლეფს
[რედაქტირაფა | წყუშ რედაქტირაფა]გენაძახა ნაფეშერეფი
- ბრედ პიტი — ლეიტენანტო ალდო რეინი
- ელი როთი — სერჟანტი დონი დონოვიცი
- ტილ შვაიგერი — სერჟანტი ჰუგო შტიგლიცი
- გედეონ ბურხარდი — კაპიტანი ვილჰელმ ვიკი
გერმანალეფი
- კრისტოფ ვალცი — პოლკოვნიკი ჰანს ლანდა
- დიანე კრუგერი — ბრიჯიტ ფონ ჰამერსბახი
- დანიელ ბრიული — ფრედერიკ ცოლერი
- აუგუსტ დილი — დიტერ ჰელსტრომი
- მარტინ ვუტკე — ადოლფ ჰიტლერი
- სილვესტერ გროტი — იოზეფ გებელსი
ფრანგეფი
- მელანი ლორანი — შოშანა დრეიფუსი
- დენის მენოშე — პიერ ლაპადიტი
- ჯეიკი აიდო — მარსელი
- ჟული დრეიფუსი — ფრანჩესკა მონდინო
ინგლისარეფი
- მაიკლ ფასბენდერი — ლეიტენანტი არჩი ჰუკოკსი
- მაიკლ მაიერსი — გენერალი ფენეკი
- როდ ტეილორი — უინსტონ ჩერჩილი
შხვა პერსონაჟეფი
- კვენტინ ტარანტინო — გერმანალი ჯარიშკოჩი
- ჰარვი კეიტელი — ხონარი
- სემუელ ლ. ჯექსონი — ხონარი
ჯილდოეფი
[რედაქტირაფა | წყუშ რედაქტირაფა]სურათიქ მიღჷ მიარე ნომინაცია შხვადოშხვა დოჯილდაფეფს, თინეფ შქას 8 ნომინაცია ოსკარს. გიშაკერძაფილო ოშინალი რე ჰანს ლანდაშ როლიშ რსულება კრისტოფ ვალციშ გეშა. თიქ დეინალჷ ოსკარიშ, ორქოშ გლობუსიშ, BAFTA-შ დო კანიშ კინოფესტივალიშ ჯილდოეფი საუჯგუშო არტისტი კოჩიშო მაჟირახარისხამი როლს.
რესურსეფი ინტერნეტის
[რედაქტირაფა | წყუშ რედაქტირაფა]