Interregeringspaneel oor klimaatverandering
Die Interregeringspaneel oor klimaatverandering (Engels: Intergovernmental Panel on Climate Change, IPCC) is in 1988 deur die Verenigde Nasies se omgewingsprogram (United Nations Environmental Program, UNEP) en die Wêreld Meteorologiese Organisasie (WMO) in die lewe geroep.
Die paneel maak deel uit van die Verenigde Nasies se Klimaatverdrag (UNFCCC) en evalueer die gevare wat klimaatverandering inhou, om teenmaatreëls saam te stel. Die setel van die IPCC se sekretariaat is in Genève (Switserland). Die Interregeringspaneel oor klimaatverandering het in 2007 saam met Al Gore die Nobelprys vir Vrede ontvang.[1]
Oorsig
[wysig | wysig bron]Die IPCC doen self geen navorsing oor klimaatverandering nie, maar versamel die uitkomste en gevolgtrekkings van die verskillende wetenskaplike dissiplines soos byvoorbeeld die klimatologie.
Die IPCC se verslae, die IPCC Assessment Reports, is samehangende aanbiedings van die navorsers se resultate. Hierdie verslae word in werkgroepe saamgestel en deur die IPCC se volle vergadering goedgekeur. Hulle vorm tans die hoofsaaklike basis vir die politieke en wetenskaplike debatte oor klimaatverandering.
In die eerste deel van sy vierde verslag, wat op 2 Februarie 2007 in Parys vrygestel is, maak die IPCC dramatiese voorspellings oor die toekomstige globale klimaatverandering. Meer hoofstukke sal in die loop van die jaar vrygestel word.
Verwysings
[wysig | wysig bron]- ↑ "The Nobel Peace Prize 2007" (in Engels). Nobelprize.org. Geargiveer vanaf die oorspronklike op 13 Augustus 2018. Besoek op 6 Oktober 2017.
Eksterne skakels
[wysig | wysig bron] |
Wikimedia Commons bevat media in verband met IPCC. |
- Die webwerf van die IPCC
- Die Verslag van 2001 (vier hoofstukke, slegs in Engels beskikbaar) Geargiveer 27 September 2006 op Wayback Machine
- Union of Concerned Scientists: The IPCC Assessment Process Geargiveer 2 Februarie 2007 op Wayback Machine
- «UN scientist backs '350' target for CO2 reduction», AFP, 25 Augustus 2009
Normdata  |
|
|---|