Pous Markus

Pous Markus
Geboortenaam	Markus
Pontifikaat begin	18 Januarie 336
Pontifikaat eindig	7 Oktober 336
Voorganger	Silvester I
Opvolger	Julius I
Gebore	Rome, Italië
Sterf	7 Oktober 336 Rome, Italië

Markus was die 34ste pous van die Rooms-Katolieke Kerk.

Pous Markus was waarskynlik 'n Romein van geboorte, die seun van Priscus. Voor sy verkiesing was hy biskop van Ostia. Op 18 Januarie 336 volg hy Pous Silvester I op en regeer tot sy dood op 7 Oktober 336. Hy word opgevolg deur Pous Julius I. Die naam ‘Markus’ beteken gewy aan die (Romeinse) god Mars of ook gebore in Maart.

Tydens sy pontifikaat word begin met die opstel van 'n lys van martelare (Deposito Martyrum) en 'n lys van biskoppe (Deposito Episcoparum).

Hy het die biskop van Ostia gemagtig om die biskop van Rome in te seën. Hy het waarskynlik die kerk San Marco laat bou asook die kerk bo-oor die katakombe van Balbina tussen die Via Appia en die Via Ardeatina. Pous Markus is in die katakombe van Balbina begrawe.

Pous Markus word as heilige vereer en sy feesdag is op 7 Oktober.

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
• Liber Pontif., ed. DUCHESNE, I, 202-4;
• URBAIN, Ein Martyrologium der christl. Gemeinde zu Rom am Anfang des V. Jahrh. (Leipzig, 1901), 198;
• LANGEN, Gesch. der rom. Kirche, I, 423.

Wikimedia Commons bevat media in verband met Marcus I.

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Saamgestel uit die Nederlandse, Engelse, Duitse en Franse wiki’s.