Alborea

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alborea
Municipio de Castiella-La Mancha
Entidat  • Estau  • Comunidat  • Provincia	Municipio  Espanya  Castiella-La Mancha Albacet
Superficie	72,05 km²
Población  • Total	666 hab. (2013)
Altaria  • Meyana	710 m.
Distancia  • 58 km	enta Albacet
Alcalde	José Rafael Navarro González
Codigo postal	02215
Coordenadas	39°N 16°E
Alborea Alborea en Castiella-La Mancha

Alborea ye un municipio d'o nord-este d'a provincia d'Albacet (Castiella-La Mancha). A suya población ye de 778 habitants (2014) en una superficie de 72,05 km² y una densidat de 10,8 hab/km².

O suyo termin municipal muga con Requena, Casas de Ves, Casas-Ibáñez, Alcalá del Xúcar y Villatoya.

Bel autor lo relaciona con l'arabe burdj, (como Burcharaloz y Alborche), pero a traviés d'a forma diminutiva al-Buráyyadj^[1] comparable con "torreciella".

Ha existiu una variant con epentesi antihiatica Alboreya documentada en textos medievals valencianos que rechistran a importación de trigo dende Aragón y tierras d'interior entre 1385 y 1391^[2].

A parla d'Alborea penteneixe a lo conchunto d'o dialecto manchego, con adstrato aragonés y catalán. Entre os aragonesismos trobamos ablentar, anieblar, barral, caparra, chulla, emboticar enrobinarse, esclafar , festear, forcate, güenya, halda, jetazo, melsa, mojete, rodancha, rosigar, rosigón, samugo, silleta, tocho, tranquillo, yayo, zuro^[3]

L'orichen d'este nuclio de población se troba ligau a la Reconquiesta. Yera una aldeya que perteneixió primero a lo bispato de Cuenca, dimpués a Alarcón y dende 1226 dica o sieglo XIX a Exorquera.