Henri Verneuil

Membrecoj
Membrecoj	Akademio de Belartoj de Francio (2000–); Commission de la nationalité (en) (1987–1988) vd

Honorigoj
Honorigoj	(1996) Honora Premio César; (1995) Komandoro de la Honora Legio; (1986) Saint-Simon Award (en) ; (1984) Oficiro de la Honora Legio; (1973) Nessim-Habif Award (en) ; (1964) Premio Edgar, kialo de la premio Mélodie en sous-sol; Kavaliro de la Artoj kaj la Leteroj; Jean-Le-Duc award (en) ; vd

**Henri Verneuil**
Henri Verneuil
Persona informo
	Henri Verneuil
Naskonomo	Achod Malakian
Naskiĝo	15-an de oktobro 1920; en Tekirdağ, Otomana Imperio
Morto	11-an de januaro 2002 (81-jaraĝa); en Bagnolet
Tombo	tombejo Sankt-Petro de Marsejlo vd
Etno	armenoj vd
Lingvoj	franca • armena vd
Ŝtataneco	Francio vd
Alma mater	École nationale supérieure d'arts et métiers vd
Memorigilo
Familio
Edz(in)o	Françoise Bonnot (mul) vd
Infanoj	Patrick Malakian (en) , Gaya Verneuil (en) vd
Profesio
Alia nomo	Henri Verneuil vd
Okupo	scenaristo ; verkisto ; reĝisoro ; filmproduktoro ; filmreĝisoro ; inĝeniero ; produktoro vd
Aktiva en	Francio vd
Aktiva dum	1948– vd
Honorigoj
Honorigoj	(1996) Honora Premio César; (1995) Komandoro de la Honora Legio; (1986) Saint-Simon Award (en) ; (1984) Oficiro de la Honora Legio; (1973) Nessim-Habif Award (en) ; (1964) Premio Edgar, kialo de la premio Mélodie en sous-sol; Kavaliro de la Artoj kaj la Leteroj; Jean-Le-Duc award (en) ; vd
Membrecoj
Membrecoj	Akademio de Belartoj de Francio (2000–); Commission de la nationalité (en) (1987–1988) vd
vd	Fonto: Vikidatumoj
	v • d • r

Henri VERNEUIL, naskiĝnome Achod MALAKIAN (naskiĝis la 15-an de oktobro 1920 en Rodosto (hodiaŭ Tekirdağ, en Turkio), mortis la 11-an de januaro 2002 en Bagnolet) estis franca reĝisoro kaj scenaristo de armena deveno.

Biografio

En decembro 1924, junega rifuĝinto ne parolanta la francan, Henri Verneuil, elŝipiĝis 4-jara, ĉe kajo de la Joliette en Marseille, kun sia familio eskapinta el la Armena Genocido farita de la registaro de Junaj Turkoj de la Otomana Imperio.

Post studoj en Aix-en-Provence, li unue fariĝis inĝeniero de "Arts et Métiers" en 1943^[1], kaj poste ĵurnalisto en la magazino Horizon en 1944.

En 1947 okazis lia unua renkontiĝo kun Fernandel, por la kurtfilmo pri Marseille Escale au soleil. Fernandel, jam fama, akceptis roli por nekonata reĝisoro.

En 1949, li iris al Parizo, kie li dungiĝis kiel help-reĝisoro. Paralele, li filmis plurajn kurtfilmojn, kaj la 20-an de novembro 1950, Henri Verneuil komencis reĝisori sian unuan longan filmon La Table aux crevés kun Fernandel, kiu interpretis rolon de Urbain Coindet.

En 1959, li ekhavis sian unuan kinan sukceson por La Vache et le Prisonnier, denove kun Fernandel, kiu fariĝis lia preferata artisto, kaj interpretis la rolon de Charles Bailly kun bovino Marguerite. De 1959 al 1991, li reĝisoris multnombrajn sukcesajn filmojn, enscenigante la plej grandajn francajn kaj alilandajn aktorojn: Jean Gabin, Fernandel, Jean-Paul Belmondo, Alain Delon, Philippe Noiret, Lino Ventura, Omar Sharif, Henry Fonda, Yul Brynner ktp.

En 1991, li reĝisoris Mayrig (Panjo en la armena), temo kara al lia koro. Adaptita de la libro, kiun li verkis post la morto de sia patrino kaj tradukita en 37 lingvojn, la filmo omaĝas al ĉiuj armenaj patrinoj.

Vendredon la 11-an de januaro 2002, Henri Verneuil forpasis en kliniko de Bagnolet tiam 81-jara. Lia religia funebro okazis ĵaŭdon la 17-an de januaro 2002 en preĝejo de la Armena Apostola Eklezio en Parizo, sur strato Jean Goujon, kun ĉeesto de Alain Delon, Charles Aznavour, Pierre Cardin, Gérard Oury, Pierre Schoendoerffer, Claudia Cardinale, Jean Piat, Michel Drucker, Guy Lux, Daniel Toscan du Plantier kaj Georges Cravenne. Li poste estis entombigita en la tombejo Saint-Pierre en Marseille.