Bartzelona Futbol Kluba

Bartzelona Futbol Kluba
Datuak
Izen ofiziala	Futbol Club Barcelona, Foot-ball Club Barcelona eta Club de Fútbol Barcelona
Izen laburra	FCB
Mota	kirol talde profesionala eta men's association football team (en)
Jarduera sektorea	borondatezko kidetzako erakundeak
Herrialdea	Espainia
Izengoitia	Barça, Blaugrana, Culers, Azulgrana, Catalans, Duma Katalonii, Barcelona, Orgull de Catalunya, Barcelonistes eta Blaugranes
Jarduera
Kidetza	FIFA eta UEFA
Honen parte	Futbol Club Barcelona
Liga	Espainiako futbol ligako lehen maila
Estadioa	Lluís Companys Olinpiar Estadioa: Montjuïc 41°21′53″N 2°09′20″E / 41.36472°N 2.15556°E / 41.36472; 2.15556 (2023–)  60.000
Agintea
Lehendakaria	Joan Laporta
Zuzendari exekutiboa	Ferran Reverter
Zuzendaria	Deco
Zuzendaritza-taldea	Rafael Yuste (en) , Maria Elena Fort i Cisneros (en) , Eduard Romeu Barceló (en) eta Josep Cubells i Ribé (en)
Entrenatzailea	Hansi Flick
Egoitza nagusi	«Camp Nou» Travessera de les Corts Bartzelona
Osatuta	FC Barcelona C 1969 -  2007ko uztailaren 2a FC Barcelona B 1970 -
Legezko forma	Espainiako elkarte
Jabea	Futbol Club Barcelona
Babeslea	Spotify eta Iheslarientzako Nazio Batuen Goi Mandataritza
Zeren jabe	Camp de Les Corts (en) , Camp del Carrer Indústria (en) , Camp Nou, Joan Gamper Kirol Hiria, FCBotiga, FC Barcelona museoa, Barça TV, Barça TV+ (en) , Barça Camp Nou (en) , La Masia eta Q115621869
Historia
Sorrera	1899ko azaroaren 29a
Sortzailea	Joan Gamper
Sorlekua	Bartzelona
Jasotako sariak	Laureus World Sports Award for Team of the Year  (2012) Sant Jordiren gurutzea  (1992ko uztailaren 20a) Gold Plate of the Royal Order of Sports Merit  (1993ko uztailaren 9a) Copa Stadium  (1925) [[]]  (2006) FIFA Fair Play Award  (2007) Laureus Spirit of Sport Award  (2007) [[]]  (2009) [[]]  (2011) [[]]  (2015) Copa Stadium  (1997) Copa Stadium  (1941) Copa Stadium  (1957) Copa Stadium  (2012) IFFHS World's Best Club  (2011) IFFHS World's Best Club  (1997) IFFHS World's Best Club  (2009) IFFHS World's Best Club  (2012) IFFHS World's Best Club  (2015)
Etxekoa 　 Kanpokoa 　 3. koloreak
webgune ofiziala

Bartzelona Futbol Kluba —edo, besterik gabe, Bartzelona edo Barça— (katalanez Futbol Club Barcelona) Bartzelona hiriko kirol-elkartea da, 1899ko azaroaren 29an Joan Gamperrek sortua. Haren goiburua El Barça és més que un club da (Bartzelona talde bat baino gehiago da), Katalunian duen esanahi sozial eta politikoa dela eta. Kirol askotan talde profesionala dauka FC Bartzelonak: saskibaloian, eskubaloian eta hockeyan. Amateur taldeak ere baditu beste kirol askotan, baina futbol arloa da elkarteko adar nagusia, gainerako kirolak ordaintzen dituena.

Espainiako futbol liga 26 aldiz irabazi duelarik, txapelketa horretan titulu gehien dituzten taldeen arten bigarrena da; lehena Real Madril da, Bartzelonaren arerio historiko nagusia. Errege Kopa, berriz, 30 alditan irabazi du, beste ezein taldek baino gehiagotan, alegia. Nazioartean 15 txapelketa irabazi ditu tartean bi aldiz FIFAren Kluben arteko Munduko Kopa eta bost aldiz UEFAko Txapeldunen Liga, azkenengoa 2015eko ekainaren 6an.

FC Bartzelonak Unicefen iragarkia darama elastikoan; eta, ezkerreko besoan, TV3ko logoa. 2005/2006ko denboraldiaz geroztik, senyera —Kataluniako bandera— darama bere ekipamenduan, elkarteak Kataluniarekin duen harreman sendoaren erakusgarri.

Joan Gamper suitzarrak Los Deportes aldizkarian futbol talde bat sortzeko asmoz iragarki bat argitaratu zuen 1899ko urriaren 22an eta 12 gaztek erantzun zuten, sei kataluniarren, hiru ingelesek, bi suitzarren eta aleman batek. Horrela sortu zen Football Club Barcelona azaroaren 29an, presidentea Walter Wild izendatuz.

Lehenengo hamarkadan ez zuen titulurik lortu baina 1910eko Kopa garaipenak tituluen segidari hasiera eman zion. Garai hartan beste bi kopa eta Piriniotako Koparen lau edizio irabazi zituen.

1920 hamarkada oso loriatsua izan zen Bartzelonarentzat, 5 kopa irabazteaz gain 1928-29 denboraldian jokatu zen lehenengo Liga txapelketa irabazi baitzuen. Baina 1930an Joan Gamperrek bere buruaz beste egin zuen diru arazoen erruz eta taldearen gainbehera etorri zen. 1936an beste gertaera lazgarri bat izan zuen, Gerra Zibila hasi berria zela Josep Sunyol presidentea fusilatua izan zen ezkertiarra izateagatik.

1930 eta 1931an Kataluniako selekzioak bi partida jokatu zituen Baskonia izena zuen Euskal Selekzioaren aurka eta biak galdu zituen. 1932an beste bi partida jokatu ziren oraingoan Bartzelona Futbol Klubaren aurka, biak ere Bartzelonan, eta bietan kataluniarrak nagusitu ziren.

Gerra bukatzean futbol txapelketei berrekin zitzaien eta Bartzelona ongi aritu zen 40. eta 50. hamarkadatan 7 Liga eta 6 Kopa irabaziz. Garaipen hauetan zeresan handia izan zuen 1950 urtean fitxatu zuten Ladislao Kubala hungariarrak.

Emaitza onek bazkideen kopurua handitzea ekarri zuen eta 1957an futbol zelai erraldoi bat inauguratu zuten, Camp Nou (Zelai berria) izenekoa. Garai hartan gainera Europako txapelketak hasi ziren sortzen. Bartzelona Ferien Kopan aritu zen eta lehenengo bi ekitaldiak irabazi zituen (1958 eta 1960). 1966an hirugarren garaipen bat ere iritsi zen.

70. hamarkadan Bartzelonak talde indartsua osatu nahi izan zuen. Fitxaketa ugari egin zituen, batez ere Ajax Amsterdametik ekarri zituen Johan Cruyff eta Johan Neeskens holandarrak. Hala ere Espainiako Liga bat eta bi Kopa irabazteaz gain Europan ezer gutxi egin zuen titulu bakarra eskuratu baitzuen, Europako Errekopa hain zuzen ere. Hamarkadaren bukaera aldera jokalari berriak ekarri zituen, besteak beste Allan Simonsen eta bigarren Errekopa bat irabazi zuen.

1978ko hauteskundeetan Josep Lluís Núñez barakaldotarra presidente hautatu zuten. Bere karguan 22 urte iraun zituen eta Bartzelonak azkenean Europako Kopa irabaztea lortuko zuen. Honek ere fitxaje handiak egin zituen, hala nola, Maradona, Bernd Schuster eta Gary Lineker, baina emaitzak ez ziren onak izan.

Real Madrilen 80. hamarkadako nagusitasunari erantzunez Bartzelonak 90. hamarkada miresgarria egin zuen. Johan Cruyff entrenatzaile zuen taldeari Dream team deitu zitzaion, edo baita Euskal Bartzelona jokalari euskaldu ugari zituelako, hala nola Andoni Zubizarreta, Joxe Mari Bakero eta Txiki Begiristain. Hauekin batera zebiltzan atzerritarrak Ronald Koeman, Hristo Stoichkov eta Michael Laudrup ziren besteak beste. Etxekoan artean aipagarriena Josep Guardiola zen. Hamarkada hartan Europako Kopa bat, Errekopa bat, sei liga eta bi kopa irabazi zituen taldeak.

2000 urtean presidente aldaketa izan zen baina Bartzelonak bere bideari jarraitu zion. Joan Gaspert presidente berriak 3 urte egin zituen karguan eta ez zuen titulurik jaso. Joan Laportak ordea bigarren "dream team" bat osatu zuen eta taldearen "urrezko aroa" iritsi zen, bere joko ikusgarriagatik "munduko talderik onena" izendatzeraino. 2006an Frank Rijkaard entrenatzaile zela bi liga jarraian eta Txapeldunen liga irabazi zituen. Jokalarien artean Samuel Eto'o eta Ronaldinho ziren izarrak. La Masiako harrobian ere jokalari gazte asko sortu zituen.

Josep Guardiola entrenatzaile aukeratu zuten 2008-09 denboraldirako eta emaitza ikaragarriak izan zituen, hirgarren Europako Kopa eta Espainiako Liga eta Kopa irabazi zituen. Honez gain Espainiako eta Europako Superkopak irabazi zituen eta urtearen amaieran FIFAren Kluben arteko Munduko Kopa. Orain arte sei tituluak urte berean irabazi dituen talde bakarra da Bartzelona.

Hurrengo urteetan ere mundu mailako nagusitasunarekin jarraitu du, oraingoan Lionel Messi izar nagusi dela. Bere alboan ditu Xavi Hernández, Andrés Iniesta eta Arsenaletik itzuli den Cesc Fàbregas besteak beste.

2011-12 denboraldian ez ditu ordea bere helburuak bete, Ligan bigarren egin baitu eta Txapeldunen Ligan Chelseak finalerdietan kanporatu baitzuen. Hala ere Errege Kopa irabazi du eta Messik Pichichi Saria ere lortu du inoizko gol kopuru handiena sartuz, 50 gol, aurreko marka baino hamar gol gehiago.

2012-13 denboraldia bikain hasi zuen eta urtarrilerarte ez zuen partida bakar bat galdu (Errealak irabazi zion Anoetan). Hau gutxi balitz, Messik 2012an Gerd Müllerren 1972ko errekorra gainditu eta 91 gol sartu zituen. Honi esker laugarren aldiz jarraian eskuratu zuen Urrezko Baloia saria. Espainiako Liga irabazi duen arren zapore gazi-gozoa gelditu zaio Txapeldunen Ligako eta Errege Kopako finaletara ez baita sartu.

2013-14 urtean Neymar jokalari brasildarra fitxatu zuen, baina Ogasunak fitxaketa honen inguruan ikerketa zabaldu du eta urtarrilaren 23an Sandro Rosell presidenteak dimisioa aurkeztu zuen. Kirol mailan ere urte gorabeheratsua izan zuen eta aspaldiko partez titulurik ez zuen irabazi.

2014-15 denboraldia bikaina izan zen, Espainiako Liga eta Kopa irabazi zituen eta Txapeldunen Liga ere bai, finalean Juventus FC 3-1 emaitzaz gaindituta. FIFAren Kluben arteko Munduko Kopa ere erraz irabazi zuen. 2015-16an Europako finalaurdenetan Atlético Madrilek kanporatu zuen eta txakalaldi baten ondoren errekuperatu eta Liga irabazi zuen azken jardunaldian. Ondoren Errege Kopa ere irabazi zuen, hau Sevillaren aurka, luzapenean. 2016-17an ezin izan zion Real Madrili eutsi eta Kopa izan zen irabazi zuen titulu bakarra, finalean Deportivo Alavés gaindituz. 2017-18 denboraldian hasieratik Ligako lehen postua eskuratu du eta aspaldiko diferentzia handienaz irabazi du Liga. Errealaren galdu gabeko errekorra ere gainditu du eta azkenean partida bakarra galdu du. Errege Kopa ere irabazi du. Txapeldunen Ligan ordea final laurdenetan kanporatua izan zen. 2018-19 denboraldian Liga erraz irabazi badu ere, Txapeldunen Ligan finalerdietan Liverpoolek 3-0 emaitzari buelta eman eta kaleratu egin zuen eta Kopa finala ere galdu egin zuen. Galera izugarriena 2020an izan zuen. COVID-19 pandemiak baldintzaturiko Txapeldunen Ligan (partida bakarrera jokatzen baitzen) Municheko Bayernek 8-2 emaitzaz kanporatu zuen. 74 urte ziren Bartzelonak partida bakarrean zortzi gol jasotzen ez zituela.

Bi urteko hutsunearen ondoren 2021ean titulu berria eskuratu zuen. Errege Kopa irabazi zuen finalean Athletic 4-0 garaituta.

2022-23an 27. Liga eskuratu zuen. Arazo handirik gabe lortu zuen garaipena, baina Europako txapelketan oso apal aritu zen. Ez zuen ligaxka fasea gainditu eta EuropaLeaguera pasatzerakoan play-offetan kanporatua izan zen.

Bartzelona Futbol Klubak kolore urdina eta granatea beti izan du elastikoan, hortik datorkio blaugrana ezizena. Kolore hauek erabiltzearen arrazoi zehatza ez da ezagutzen ordea, baina badirudi Joan Gamper berak aukeratu zituela, aurrez FC Basel taldean jokaturikoa baitzen.

Hasiera batean gatza zuriak erabili zituen eta galtzerdi beltzak. 1913 eta 1920 artean galtzak eta galtzerdiak beltza izan ziren eta ordutik aurrera galtza urdinak. 2005-06 eta 2010-11 galtza granateak izan zituen eta 2015-16 denboradian elastikoko marrak horizontalak izan ziren lehen aldiz.

Aipatzekoa da era berean 1955-57ko Hirietako Ferien Kopan elastiko zuria eta galtza urdinak erabili zituela.

1899-1910

1911-1913

1913-1920

1920-1939

1939-tik

1955-1957 Ferien Kopan

2011-2012	2012-2013	2013-2014	2014-2015	2015-2016	2016-2017
2017-2018	2018-2019	2019-2020	2020-2021	2021-2022	2022-2023
2023-2024	2024-2025

2011-2012	2012-2013	2013-2014	2014-2015	2015-2016	2016-2017
2017-2018	2018-2019	2019-2020	2020-2021	2021-2022	2022-2023
2023-2024	2024-2025

2023-24 barne:

• Denboraldiak 1. mailan: 93
• Denboraldiak 2. mailan: 0
• Denboraldiak 2. B mailan: 0
• Denboraldiak 3. mailan: 0

• Espainiako futbol ligako lehen maila: 27

1928-29, 1944-45, 1947-48, 1948-49, 1951-52, 1952-53, 1958-59, 1959-60, 1973-74, 1984-85, 1990-91, 1991-92, 1992-93, 1993-94, 1997-98, 1998-99, 2004-05, 2005-06, 2008-09, 2009-10, 2010-11, 2012-13, 2014-15, 2015-16, 2017-18, 2018-19, 2022-23.

• Espainiako Futbol Errege Kopa: 31

1910, 1912, 1913, 1920, 1922, 1925, 1926, 1928, 1942, 1951, 1952, 1953, 1957, 1959, 1963, 1968, 1971, 1978, 1981, 1983, 1988, 1990, 1997, 1998, 2009, 2012, 2015, 2016, 2017, 2018 eta 2021.

• Espainiako Superkopa: 14

1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018 eta 2023.

• Eva Duarte Kopa: 3

1948, 1952, 1953.

• Ligako Kopa: 2

1983, 1986.

• Mediterraneoko Futbol Liga: 1

1937.

• Txapeldunen liga: 5

1991-92, 2005-06, 2008-09, 2010-11 eta 2014-15.

• FIFAren Kluben arteko Munduko Kopa: 3

2009, 2011 eta 2015

• Europako Errekopa: 4

1978-79, 1981-82, 1988-89 eta 1996-97.

• Europako Superkopa: 5

1992, 1997, 2009, 2011 eta 2015

• Latindar Kopa: 2

1949, 1952.

• Ferietako Kopa: 3

1958, 1960, 1966.

• Ferietako Txapeldunen Kopa: 1

1971.

• Kluben arteko Munduko Kopa txikia: 1

1957.

• Martini&Rossi Kopa: 6

1948, 1950, 1952, 1953.

• Pirinioetako Kopa: 4

1910, 1911, 1912, 1913.

• Kataluniako Txapelketa: 22

1902, 1905, 1909, 1910, 1911, 1913, 1916, 1919, 1920, 1921, 1922, 1924, 1925, 1926, 1927, 1928, 1930, 1931, 1932, 1935, 1936, 1938.

• Kataluniako Kopa: 8

1991, 1993, 2000, 2004, 2005, 2007, 2013, 2014.

• Kataluniako Superkopa: 2

2014, 2017.

• Joan Gamper Trofeoa: 40

1966, 1967, 1968, 1969, 1971, 1973, 1974, 1975, 1976, 1977, 1979, 1980, 1983, 1984, 1985, 1986, 1988, 1990, 1991, 1992, 1995, 1996, 1997, 1998, 1999, 2000, 2001, 2002, 2003, 2004, 2006, 2007, 2008, 2010, 2011, 2013, 2014, 2015, 2016, 2017.

• International Champions Cup: 1

2017.

• Teresa Herrera Trofeoa: 5

1948, 1951, 1972, 1990, 1993.

• Ramón de Carranza Trofeoa: 3

1962, 1963, 2005.

• Trofeo Ciudad de Zaragoza: 1

1985.

• Trofeo Ciutat de Barcelona: 1

1989.

• Trofeo Costa del Sol: 1

1977.

• Trofeo Festa d'Elx: 3

1970, 1989, 2003.

• Trofeo Audi Cup: 1

2011.

Txapelketa	Urtea	Txapelduna	Emaitza	Finalista	Hiria
Kontinentearteko Kopa eta FIFA Kluben arteko Kopa	1992	FT São Paulo	2-1	Bartzelona
	2006	SC Internacional	1-0	Bartzelona
	2009	Bartzelona	2-1	Club Estudiantes
	2011	Bartzelona	4-0	Santos FC
	2015	Bartzelona	3-0	River Plate
Europako Kopa eta Txapeldunen Liga	1960-61	SL Benfica	3-2	Bartzelona	Berna
	1985-86	FC Steaua Bucuresti	0-0 (pen:2-0)	Bartzelona	Sevilla
	1991-92	Bartzelona	1-0	UC Sampdoria	Londres
	1993-94	AC Milan	4-0	Bartzelona	Atenas
	2005-06	Bartzelona	2-1	Arsenal FC	Saint-Denis
	2008-09	Bartzelona	2-0	Manchester United	Erroma
	2010-11	Bartzelona	3-1	Manchester United	Londres
	2014-15	Bartzelona	3-1	Juventus FC	Berlin
Europako Superkopa	1979	Nottingham Forest	2-1 (1-0, 1-1)	Bartzelona
	1982	Aston Villa FC	3-1 (0-1, 3-0(luz.))	Bartzelona
	1989	AC Milan	2-1 (1-1, 1-0)	Bartzelona
	1992	Bartzelona	3-2 (1-1, 2-1)	Werder Bremen
	1997	Bartzelona	3-1 (2-0, 1-1)	Borussia Dortmund
	2006	Sevilla FC	3-0	Bartzelona
	2009	Bartzelona	1-0 (luz)	Shakhtar Donetsk
	2011	Bartzelona	2-0	FC Porto
	2015	Bartzelona	5-4 (luz)	Sevilla FC
Ferien Kopa	1955-58	Bartzelona XI	8-2 (2-2, 6-0)	Londres XI
	1958-60	Bartzelona	4-1 (0-0, 4-1)	Birmingham City FC
	1961-62	Valencia CF	7-3 (6-2, 1-1)	Bartzelona
	1965-66	Bartzelona	5-2 (1-0, 4-2)	Real Zaragoza
UEFA Kopa eta Europa League	ez
Europako Errekopa	1968-69	Slovan Bratislava	3-2	Bartzelona
	1978-79	Bartzelona	4-3	Fortuna Düsseldorf
	1981-82	Bartzelona	2-1	Standard Lieja
	1988-89	Bartzelona	2-0	UC Sampdoria
	1990-91	Manchester United	4-3	Bartzelona
	1996-97	Bartzelona	1-0	Paris Saint-Germain FC

Urtea	Espainiako Liga	Errege Kopa	Esp. Superkopa	Europa	Eur. Superkopa	Mundua
1999-00	2.a	1/2		1/2 (Txapeldunen Liga)
2000-01	4.a	1/2		1/2 (Europa League)
2001-02	4.a	1/32		1/2 (Txapeldunen Liga)
2002-03	6.a	1/32		1/4 (Txapeldunen Liga)
2003-04	2.a	1/4		1/8 (Europa League)
2004-05	1.a	1/32	1.a	1/8 (Txapeldunen Liga)
2005-06	1.a	1/4	1.a	1.a (Txapeldunen Liga)	2.a
2006-07	2.a	1/2		1/8 (Txapeldunen Liga)		2.a
2007-08	3.a	1/2		1/2 (Txapeldunen Liga)
2008-09	1.a	1.a	1.a	1.a (Txapeldunen Liga)	1.a
2009-10	1.a	1/8	1.a	1/2 (Txapeldunen Liga)		1.a
2010-11	1.a	2.a	1.a	1.a (Txapeldunen Liga)	1.a
2011-12	2.a	1.a	2.a	1/2 (Txapeldunen Liga)		1.a
2012-13	1.a	1/2	1.a	1/2 (Txapeldunen Liga)
2013-14	2.a	2.a		1/4 (Txapeldunen Liga)
2014-15	1.a	1.a	2.a	1.a (Txapeldunen Liga)	1.a
2015-16	1.a	1.a	1.a	1/4 (Txapeldunen Liga)		1.a
2016-17	2.a	1.a	2.a	1/4 (Txapeldunen Liga)
2017-18	1.a	1.a	1.a	1/4 (Txapeldunen Liga)
2018-19	1.a	2.a	atzeratua¹	1/2 (Txapeldunen Liga)
2019-20	2.a	1/4	1/2¹	1/4 (Txapeldunen Liga)
2020-21	3.a	1.a	2.a¹	1/8 (Txapeldunen Liga)
2021-22	2.a	1/8	1/2¹	1/4 (Europa League)
2022-23	1.a	1/2	1.a	Ligaxka (Txapeldunen Liga) Play-offak (Europa L.)
2023-24	2.a	1/4	2.a	1/4 (Txapeldunen Liga)

• ¹ 2018-19ko Superkopa 2019ko abenduan jokatu zen eta 2019-20ko Superkopa 2021eko urtarrilean. Ordutik aurrerakoak urtarrilean jokatuko dira.

2023ko abuztuaren 28an eguneratua.

Zbk. Postua Jokalaria 1 ATE Marc-André ter Stegen 4 ATZ Ronald Araújo 5 ATZ Iñigo Martinez 6 ERD Gavi 7 AUR Ferran Torres 8 ERD Pedri 9 AUR Robert Lewandowski 10 AUR Ansu Fati 11 AUR Raphinha 12 ATZ Clément Lenglet 13 ATE Iñaki Peña

Zbk. Postua Jokalaria 15 ATZ Andreas Christensen 16 AUR Ez Abde 17 ATZ Marcos Alonso 18 ERD Oriol Romeu 20 ATZ Sergi Roberto 21 ERD Frenkie de Jong 22 ERD Ilkay Gündogan 23 ATZ Jules Koundé 24 ATZ Eric García 27 AUR Lamine Yamal 28 ERD Alejandro Balde

Zbk. Postua Jokalaria - ATZ Sergiño Dest (PSVn utzita 2024ko ekainaren 30 arte) - AUR Vitor Roque (Athletico Paranaensen utzita 2023ko abenduaren 31 arte) - ATZ Julián Araujo (Las Palmasen utzita 2024ko ekainaren 30 arte) - ERD Pablo Torre (Gironan utzita 2024ko ekainaren 30 arte) - ERD Pablo Torre (Gironan utzita 2024ko ekainaren 30 arte)

Tot el camp és un clam som la gent Blaugrana Tant se val d'on venim Si del sud o del nord ara estem d'acord estem d'acord una bandera ens agermana. Blaugrana al vent un crit valent tenim un nom el sap tothom Barça, Barça, Baaaaaarrrrççaa Jugadors Seguidors tots units fem força són molts d'anys plens d'afanys són molts gols que hem cridat i s'ha demostrat s'ha demostrat que mai ningú no ens podrà tòrcer Blaugrana al vent un crit valent tenim un nom el sap tothom Barça, Barça, Baaaaarrrççaaa

Zelai osoa oihuka ari da jende blaugrana gara Berdin dio nondik gatozen hegoaldetik edo iparraldetik orain ados gaude ados gaude bandera batek batzen gaitu. Blaugrana airean oihu ausart bat izen bat daukagu denek dakite Barça, Barça, Baaaaaarrrrççaa Jokalariak Jarraitzaileak guztiok batera indarra egiten dugu ahaleginez betetako urte asko dira oihukatu ditugun gol asko dira eta frogatu da frogatu da inoiz inork ezingo gaituela okertu Blaugrana airean oihu ausart bat izen bat daukagu denek dakite Barça, Barça, Baaaaaarrrrççaa

• FC Barcelona B

• Bartzelona Futbol Kluba (emakumezkoen taldea)
• FC Barcelona B
• FC Barcelona (saskibaloia)
• FC Barcelona (eskubaloia)

• (Katalanez)(Gaztelaniaz)(Ingelesez)(Japonieraz) Taldearen webgune ofiziala

2023-24 denboraldiko Espainiako Futbol Ligako Lehen Mailako taldeak
Alavés | Almería | Athletic | Atlético Madril | Bartzelona | Betis | Cádiz | Celta Vigo | Getafe | Girona | Granada Las Palmas | Mallorca | Osasuna | Rayo Vallecano | Real Madril | Real Sociedad | Sevilla | Valentzia | Villarreal