Gyula Horn

Gyula Horn
Irudi gehiago
Hungariako lehen ministro 1994ko uztailaren 15a - 1998ko uztailaren 6a ← Péter Boross - Viktor Orbán (mul) → Hungariako Biltzar Nazionaleko kidea 1990eko maiatzaren 2a - 2010eko maiatzaren 13a Hautetsia: 1990–1994 legislative term (en) , 1994–1998 legislative term (en) , 1998–2002 legislative term (en) , 2002–2006 legislative term (en) , 2006–2010 legislative term (en) Hungariako Kanpo Harremanetarako ministroa 1989ko maiatzaren 10a - 1990eko maiatzaren 23a ← Péter Várkonyi (en) - Géza Jeszenszky (en) → member of Central Committee of the Hungarian Socialist Workers' Party (en) 1985eko martxoaren 28a - 1989ko urriaren 7a estatu-idazkari
Bizitza
Jaiotzako izen-deiturak	Horn Gyula János
Jaiotza	Budapest, 1932ko uztailaren 5a
Herrialdea	Hungaria
Lehen hizkuntza	hungariera
Heriotza	Budapest, 2013ko ekainaren 19a (80 urte)
Hobiratze lekua	Fiumei kaleko hilerria
Familia
Familia	ikusi Szófia Havas (iloba)
Hezkuntza
Heziketa	Rostov State Economics University (en) 1954) : ekonomia
Hizkuntzak	hungariera errusiera ingelesa Kroaziera serbiera
Jarduerak
Jarduerak	politikaria, diplomazialaria eta ekonomialaria
Lantokia(k)	Budapest
Jasotako sariak	ikusi Karlomagno Saria  (1990eko maiatzaren 24a) Grand Cross 1st class of the Order of Merit of the Federal Republic of Germany Memminger Freedom Prize 1525 Grand Cross of Honor for Services to the Republic of Austria  (2005) The Glass of Reason Schärfste Klinge [[]]  (1957) Courage Award  (2005) [[]]  (1992)
Zerbitzu militarra
Parte hartutako gatazkak	1956ko Hungariako Iraultza
Sinesmenak eta ideologia
Alderdi politikoa	Hungariako Alderdi Sozialista Hungariako Langile Alderdi Sozialista Hungarian Working People's Party (en)

Gyula Horn (Budapest, 1932ko uztailaren 5a - Budapest, 2013ko ekainaren 19a) hungariar politikaria izan zen. 1994-1998 bitartean Hungariako lehen ministroa izan zen. Sari ugari irabazi zituen, Akisgran hiriko Karlomagno saria adibidez (1990ean).

Ekonomia- eta finantza-ikasketak egin zituen Errusiako Rostov Doneko unibertsitatean (1945). 1954an Hungariako Finantza Ministerioan hasi zen lanean, baina lau urte geroago unibertsitatera itzuli zen Ekonomia Zientzietan doktoregoa egitera. 1969-1985 bitartean, Hungariako Alderdi Sozialista Langilearen zuzendaritzarentzat lan egin zuen, eta laguntzaile-postua lortu zuen Sobietar Harremanen Sailean. Halaber, Hungariaren enbaxadore izan zen Bulgarian eta Jugoslavian.

Kanpo Arazoetako ministro gisa, 1989-1990 bitartean, garrantzi handiko zeregina bete zuen Alemaniaren bateratzean, Alemaniako Errepublika Demokratikoko biztanleei Alemaniako Errepublika Federalera ihes egiten utzi baitzien Hungarian barrena. Bien bitartean, sobietarren gudarosteak Hungariatik erretiratzeko hitzarmena izenpetu zuen, eta Hungariako Alderdi Sozialistaren (MSzP) sortzaileetako bat izan zen. 1990ean, alderdiko lehendakari eta Legebiltzarreko diputatu hautatu zuten, eta Kanpo Arazoetako Batzordeko gidaritza hartu zuen.

1994an Hungariako lehen ministro izendatu zuten. 1995ean kritika latzak egin zizkioten alderdian, gastu sozialak murrizteagatik, besteak beste. Horn lehen ministro izandako aldian Hungaria nazioarteko erakunde nagusietan sartu zen: 1996an Ekonomia Lankidetza eta Garapenerako Erakundean (ELGE) sartu zen, eta urtebete geroago, NATOn sartzeko izendaturiko Ekialdeko Europako estatuetako bat izan zen. Europar Batasunean laster sartzeko aukera izango zuela ere agindu zitzaion.

1998ko hauteskundeetan, nahiz eta lehen bozketan botoen % 32 eskuratu zuen, bigarrenean eskuina, Viktor Orbánen gidaritzapean, nagusitu zitzaion. Hauteskundeak galdu ondoren, alderdiko lehendakari izateari utzi zion, eta 2002 urteaz geroztik, gutxi jardun zen politikan.

Wikimedia Commonsen badira fitxategi gehiago, gai hau dutenak: Gyula Horn