Dave Bing

Dave Bing

Biografía
Nacemento	24 de novembro de 1943 (80 anos) Washington, D.C., Estados Unidos de América
Alcalde de Detroit
11 de maio de 2009 – 31 de decembro de 2013 ← Kenneth Cockrel Jr. (pt) – Mike Duggan (pt)  →
Datos persoais
Residencia	Boston Syracuse Detroit Washington, D.C.
País de nacionalidade	Estados Unidos de América
Grupo étnico	Afroamericano
Relixión	Baptismo
Educación	Universidade de Syracuse Spingarn High School (en)
Altura	190 cm
Peso	84 kg
Actividade
Ocupación	baloncestista , político , empresario
Período de actividade	1966 - 1978
Partido político	Partido Demócrata
Lingua	Lingua inglesa
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Escolta e Base
Convocado por	Detroit Pistons
Traxectoria   Equipo 1963-1966 Syracuse Orange men's basketball (en) 1966-1975 Detroit Pistons (Base) 1975-1977 Washington Wizards (Escolta, Base) 1977-1978 Boston Celtics
Premios (17 de abril de 2006)  honorary doctor of Syracuse University (en) (2006)  National Collegiate Basketball Hall of Fame (en) (1990)  Basketball Hall of Fame (1977)  J. Walter Kennedy Citizenship Award (pt) (1976)  Premio Kobe Bryant ao MVP do All-Star Game da NBA (1971)  Equipo All-NBA (1968)  Equipo All-NBA (1967)  Rookie do Ano da NBA (1967)  equipo All-Rookie da NBA

David "Dave" Bing, nado o 24 de novembro de 1943 en Washington, D.C. é un ex xogador de baloncesto profesional estadounidense da década dos 70, que pasou a meirande parte da súa carreira profesional nos Detroit Pistons. Nas súas doce tempadas na National Basketball Association (NBA), foi nomeado Rookie do Ano en 1967, máximo anotador da competición en 1968, MVP do All-Star Game en 1976, sendo incluído posteriormente no Basketball Hall of Fame e o seu dorsal 21 retirado polos Pistons. Entre 2009 e 2013 foi alcalde polo Partido Demócrata da cidade de Detroit.^[1]

Os seus anos universitarios transcorreron en Syracuse, sendo nas tres tempadas o máximo anotador. Fixo unha media de 24,8 puntos e 10,3 rebotes. No seu último ano foi elixido no mellor quinteto nacional, e foi nomeado Atleta do Ano da súa universidade, que retirou a súa camiseta co número 22 como homenaxe.

Foi elixido en segunda posición da primeira rolda do draft da NBA en 1966 polos Detroit Pistons. Na súa primeira tempada fixo 20,0 puntos por partido, o que lle levou a conseguir o premio de Rookie (novato) do ano. Xogou en Detroit durante nove tempadas, para despois ser traspasado aos Washington Bullets. Terminaría a súa carreira profesional xogando un ano nos Boston Celtics.

Foi un dos grandes xogadores da NBA que, con todo, nunca conseguiu levar ao seu equipo ás finais do campionato, honra que comparte con xente como Bob Lanier, Pete Maravich, Connie Hawkins, Dan Issel ou Bernard King.

• Participou en sete All-Star Game, sendo MVP en 1976.
• Máximo anotador da NBA en 1968, con 27,1 puntos por partido.
• Membro do Basketball Hall of Fame desde 1990.
• Elixido en 1996 como un dos "cincuenta mellores xogadores da historia da NBA".
• O seu dorsal 21 está retirado por Detroit Pistons.

• Páxina de Dave Bing na web do Basketball Hall of Fame
• Estatísticas de Dave Bing Arquivado 10 de maio de 2012 en Wayback Machine.