Willis Reed

Willis Reed

Biografía
Nacemento	25 de xuño de 1942 Dubach, Estados Unidos de América (pt)
Morte	21 de marzo de 2023 (80 anos) Houston, Estados Unidos de América
Datos persoais
País de nacionalidade	Estados Unidos de América
Educación	Grambling State University (en)
Altura	206 cm
Peso	107 kg
Actividade
Ocupación	baloncestista , adestrador de baloncesto
Período de actividade	1964 - 1974
Lingua	Lingua inglesa
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala-pivote e Pivote
Convocado por	New York Knicks
Traxectoria   Equipo 1964-1974 New York Knicks (Pivote, Ala-pivote)
Participou en
1963	Jogos Pan-Americanos de 1963 (pt)
1963	Campeonato Mundial de Basquetebol Masculino de 1963 (pt)
Premios (1973)  Premio Bill Russell ao MVP das Finais da NBA (1970)  Premio Kobe Bryant ao MVP do All-Star Game da NBA (1970)  Equipo All-NBA (1970)  Premio Bill Russell ao MVP das Finais da NBA (1970)  MVP da Tempada da NBA (1970)  NBA All-Defensive Team (pt) (1965)  Rookie do Ano da NBA (1965)  equipo All-Rookie da NBA

Willis Reed Jr., nado en Hico, Louisiana, o 25 de xuño de 1942 e finado o 21 de marzo de 2023,^[1] foi un xogador de baloncesto estadounidense que desenvolveu a súa carreira a finais dos anos 60 e principios dos 70. Cos seus 2,09 m, comezou xogando de á alto, na posición de 4, para pasar a ser un pivote nato. Destaca a súa traxectoria nos New York Knicks, posto que foi o único equipo no que militou nos seus dez anos como profesional.

Formado na pouco coñecida Universidade de Grambling, logrou unhas medias de 18,7 puntos e 15,2 rebotes, o cal lle permitiu ser All-American, é dicir, un dos mellores xogadores de toda a nación a nivel universitario, nos anos 1963 e 1964.

Foi elixido na primeira posición da segunda rolda do Draft da NBA de 1964 polos New York Knicks, equipo no que desenvolvería toda a súa carreira profesional. No seu ano do debut foi elixido Rookie do Ano, cunhas extraordinarias estatísticas de máis de 19 puntos e 14 rebotes por encontro.

A súa mellor tempada, e pola que se lle lembrará sempre, foi a de 1969-70, na cal logrou o fito nunca antes alcanzado de ser considerado, nunha mesma tempada, MVP da tempada regular, do All-Star Game e das Finais, redondeando a mesma co anel de campión da NBA. Lograría un segundo título en 1973, cando xa as lesións estaban comezando a prexudicarlle. Retiraríase un ano máis tarde, con tan só 31 anos, disputando 650 partidos, e cunhas medias de 18,7 puntos e 12,9 rebotes por partido.

• New York Knicks (1964-1974)

Adestrou aos Knicks durante tempada e media, entre 1978 e 1979. De aí pasou a ser adestrador asistente da Universidade de St. John's en 1981, e adestrador titular na Universidade Creighton entre o 81 e o 85. Regresou de novo á liga profesional, facéndose cargo dos New Jersey Nets en 1987, levando ao equipo durante dúas tempadas.

• Dúas veces Campión da NBA (1970, 1973).
• Unha vez MVP da NBA (1970).
• Dúas veces MVP das Finais da NBA (1970, 1973).
• Sete veces All-Star (1965–1971).
• Unha vez MVP do All-Star (1970).
• Unha vez no Primeiro equipo da NBA (1970).
• Catro veces no Segundo equipo da NBA (1967–1969, 1971).
• Unha vez no Primeiro equipo defensivo da NBA (1970).
• Rookie do Ano da NBA (1955).
• Primeiro equipo rookie da NBA (1955).
• Nomeado un dos 50 mellores xogadores da historia da NBA (1996).
• Membro do Basketball Hall of Fame como xogador (1982).
• Número 19 retirado por New York Knicks.

• Páxina de Reed na web do Hall of Fame
• Estadísticas como xogador Arquivado 20 de xaneiro de 2021 en Wayback Machine.
• Estadísticas como adestrador Arquivado 15 de setembro de 2012 en Wayback Machine.