John Edward Sulston

Sir John Edward Sulston (* 27. März 1942 in Cambridge, Grootbritannien; † 6. März 2018) weer en britisch Bioloog. 2002 kreeg he mit Sydney Brenner un Howard Robert Horvitz den Nobelpries för Physiologie oder Medizin „für hör Forschungsarbeiten up dat Rebeet vun de genetisch Reguleeren vun de Organentwicklung un dat programmeert Zellstarven“.

Sulston weer Söhn vun en anglikaansch Geistlichen. He wies all to fröh Tiet en Interesse in Natuurwetenschapen un hett mit Stipendium en Privatschool in Northwood besöcht. Af 1960 studeer he mit en Stipendium an de Universität Cambridge (Pembroke College) Biologie un Organische Chemie mit den Bachelor-Afsluss 1963 un de Promotschoon (Ph. D.) in Nukleotid-Chemie bi Colin Reese 1966. As Post-Doktorand weer he bi Leslie Eleazer Orgel an dat Salk Institute in San Diego, wo he sück ünner den Infloot vun Orgel, Sydney Brenner un Francis Harry Compton Crick weer mee de Biologie towennen dee. Af 1969 forsch he an dat Medical Research Council Laboratory of Molecular Biology (LMB) in Cambridge, wo he sück in de Grupp vun Brenner mit de Neurobiologie vun C. elegans befaaten dee. 1992 bit 2000 weer he Direkter vun dat Wellcome Trust Sanger Institute in Cambridge, dat up britisch Siet an dat Human Genome Project bedeeligt weer.

2012 wurr he Vörstand vun dat Institute for Science, Ethics and Innovation vun de University of Manchester.

Sulston hett mit Horvitz en vullständige Neuronenkoort vun C. elegans upstellt^[1], bestimm de vullständige Zellafstammen vun de embryonaal Entwicklung vun C. elegans^[2][3] un weer wesentlich an de Sequenzeeren vun de sien Genom bedeeligt, in en Tosommenarbeit vun Cambridge un de University of Washington. Dat weer 1998 de eerste vullständige Sequenzeeren vun en Deert.^[4]

Sulston weer siet 1966 verheiraadt un hett twee Kinner.

• 1986: Wählt in de Royal Society
• 1986: W. Alden Spencer Pries
• 1991: Gairdner Foundation International Award
• 1996: Darwin-Medaille vun de Royal Society
• 1998: Rosenstiel Award
• 2000: Pfizer Pries för Innovative Wetenschap
• 2000: George W. Beadle Award
• 2000: Sir Frederick Gowland Hopkins Medaille
• 2001: Edinburgh Medal
• 2001: Christmas Lecture vun de Royal Institution (Secrets of Life)
• 2001: Prinz-von-Asturien-Pries (Spanien)
• 2002: Alfred P. Sloan, Jr. Prize
• 2002: Dan-David-Pries
• 2002: Nobelpries für Physiologie oder Medizin
• 2013: Rutherford Memorial Lecture vun de Royal Society of New Zealand

2001 wurr he adelt (Knight Bachelor).

John Edward Sulston. Mehr Biller, Videos oder Audiodateien to’t Thema gifft dat bi Wikimedia Commons.

• John Edward Sulston up de Sieden vun den Nobelpries (engelsch)
• Wellcome Trust Sanger Institute, Cambridge, Großbritannien (engelsch)
• „Genom des Menschen“, The Wellcome Trust (engelsch)

1. ↑ Sulston, Horvitz, Post-embryonic cell lineages of the nematode, Caenorhabditis elegans, Developmental Biology, Band 56, 1977, S. 110–156
2. ↑ Sulston, E. Schierenberg, J. G. White, J. N. Thomson: The embryonic cell lineage of the nematode Caenorhabditis elegans, Developmental Biology, Band 100, 1983, S. 64–119
3. ↑ Sulston, Horvitz Post-embryonic cell lineages of the nematode, Caenorhabditis elegans, Developmental Biology, Band 56, 1977, S. 110–156
4. ↑ C. elegans Sequencing Concortium: Genome Sequence of the Nematode C. elegans: A Platform for Investigating Biology, Science, Band 282, 1998, S. 2012–2018