Matthias Kyburz

Matthias Kyburz (fødd 5. mars 1990) er ein sveitsisk orienteringsløpar frå Rheinfelden. Åra frå 2012 til 2021 sanka han seks gullmedaljar, fem sølvmedaljar og ein bronsemedalje ved ulike verdsmeisterskap i orientering. Han sigra i verdscupen i orientering åra 2012, 2013, 2016, 2017 og 2018.

Perioden 2011-22 vann Kyburz 23 tevlingar i verdscupen i orientering. Han sigra på så vel kort-, mellom- og klassisk distanse, som i utslags-sprint. På sveitsisk heimegrunn vart han i 2012 verdsmeister på kortdistansen, framom sine samnemnde landsmenn Matthias Merz og Matthias Müller. Sidan vann Kyburz VM-gull i stafett 2015 og på mellomdistansen i 2016 og 2021. Under VM 2022 i Danmark gjekk han til topps i utslags-sprinten.

I europameisterskap i orientering sprang Kyburz inn til fyrsteplass på både kort- og mellomdistanse i 2016, og på ny i 2018. Ved europameisterskapen 2021 i Neuchâtel i heimlandet vann han gullmedaljar på kortdistansen, utslagssprinten og mixstafetten.

• VM 2012: Gull på kortdistansen
• VM 2013: Nr 4 på mellomdistansen
• VM 2014: Sølv i stafett, nr 5 på klassiskdistansen
• VM 2015: Gull i stafett, nr 6 på klassiskdistansen
• VM 2016: Gull på mellomdistansen, sølv på kortdistansen og i stafett
• VM 2017: Nr 4 på kortdistansen
• VM 2018: Sølv i stafett, nr 4 på mellomdistansen
• VM 2019: Nr 4 på klassiskdistansen
• VM 2021: Gull på mellomdistanse, sølv på klassiskdistansen. Bronse i stafett
• VM 2022: Gullmedalje i utslags-sprint