Valdeolea

Valdeolea

Localización
42°52′40″N 4°09′44″O / 42.877777777778, -4.1622222222222
Estado	España
Comunidade autónoma	Cantabria
Capital	Valdeolea (en)
Poboación
Poboación	882 (2023) (10,54 hab./km²)
Xeografía
Parte de	Q107553146
Superficie	83,72 km²
Altitude	953 m
Comparte fronteira con	Aguilar de Campoo Campoo de Enmedio Hermandad de Campoo de Suso Brañosera Valdeprado del Río
Organización política
• Alcalde	Fernando Franco González
Identificador descritivo
Código postal	39418
Fuso horario	UTC+01:00
Código INE	39092

Valdeolea é un concello situado na comunidade autónoma de Cantabria (España), na comarca de Campoo-Los Valles. Limita polo norte con Hermandad de Campoo de Suso e Campoo de Enmedio, polo oeste con Valdeprado del Río e polo leste e sur con Brañosera (Palencia).

Atópase na vía natural de comunicación entre Palencia e Santander, xunto á estrada nacional N-611 e o ferrocarril. O seu territorio pertence case na súa totalidade á cunca do Douro.

Os seus 1301 habitantes (INE, 2006) repártense por:

• Barriopalacio, 9 hab.
• Bercedo, 9 hab.
• Camesa, 26 hab.
• Castrillo del Haya, 26 hab.
• Cuena, 19 hab.
• El Haya, 5 hab.
• Las Henestrosas de las Quintanillas, 17 hab.
• Hoyos, 13 hab.
• La Loma, 5 hab.
• Mata de Hoz, 29 hab.
• Mataporquera (Capital), 992 hab.
• Matarrepudio, 24 hab.
• Olea, 44 hab.
• La Quintana, 11 hab.
• Las Quintanillas, 29 hab.
• Rebolledo, 8 hab.
• Reinosilla, 12 hab.
• San Martín de Hoyos, 16 hab.
• Santa Olalla, 7 hab.

Valdeolea destaca polo seu patrimonio natural, artístico e cultural. A súa xeografía está repleta de exemplos de arte románica, incluíndose dentro do País del Románico, así como de megalitismo, con numerosos menhires dispersos por boa parte do territorio, algo inédito en Cantabria. Destacan os seguintes bens de interese cultural no municipio:

• Ermida de San Miguel, en Olea, con categoría de monumento.
• Igrexa de Santa María a Real, en Las Henestrosas de las Quintanillas, monumento; ten pinturas góticas.
• Igrexa de San Martín en San Martín de Hoyos, monumento.
• Igrexa de Santa Eulalia, en La Loma, monumento; ten pinturas góticas.
• Igrexa de San Juan Bautista, en Mata de Hoz, monumento; ten pinturas góticas.
• Torre Medieval en San Martín de Hoyos, monumento.
• Sitio arqueolóxico romano-medieval de Camesa-Rebolledo, con categoría de zona arqueolóxica. Trátanse dos restos arqueolóxicos dunha vila romana que, ao parecer, podería pertencer a Octaviolca. Ten restos arqueolóxicos correspondentes a un dilatado período histórico: desde a romanización até a Idade Media.
• Sitio arqueolóxico do monte Ornedo, zona arqueolóxica.

Ademais, hai dous Bens de interese local:

• Edificio nobre de Henestrosas de las Quintanillas.
• Ponte de Casasola en Casasola.

E tres Bens inventariados:

• Ponte de Santa Olalla
• Ponte de Reinosilla
• Unha das locomotoras de vapor ("Udías, María, Revilla, Peñacastillo, Reyerta e Begoña 3"), en concreto a locomotora Begoña 3, localizada en Mataporquera.

No que respecta ao patrimonio natural destaca o río Camesa, afluente do río Pisuerga.

Tradicionalmente, as actividades económicas do municipio foron as do sector primario: agricultura e gandería, pero grazas ao núcleo industrial de Reinosa e ao turismo que frecuenta a comarca, a actividade desprazouse cara aos sectores secundario e de servizos.

O municipio conta cun relevante tecido industrial cuxo máximo representante é Cementos Alfa: cementeira asentada en Mataporquera (a capital municipal).