Konstantyn VI van Bisantium

Konstantyn VI
Keiser van die Bisantynse Ryk
Konstantyn VI (regs van die kruis) by die Tweede Konsilie van Nicea. (Miniatuur uit die vroeë 11de eeu.)
Bewind	776–797
Dinastie	Siriese
Gebore	14 Januarie 771
Oorlede	Voor 805
Voorganger	Leo IV
Opvolger	Irene
Eggenote	Maria Theodote
Kinders	Euphrosyne Irene Leo
Vader	Leo IV
Moeder	Irene

Konstantyn VI (Grieks: Κωνσταντῖνος Ϛ΄; 14 Januarie 771 – voor 805) was die Bisantynse keiser van 780 tot 797.

Hy was die enigste kind van keiser Leo IV en Irene. Hy is in 776 deur sy pa as medekeiser gekroon en het hom in 780 as alleenheerser opgevolg toe hy nege jaar oud was. Omdat hy minderjarig was, het hy saam met Irene en haar hoofminister, die eunug Staurakios, regeer.

Toe Konstantyn 16 word, het sy ma steeds die mag oor hom behou. Nadat ’n opstand teen haar in die lente van 790 onderduk is, het sy probeer om amptelike erkenning as keiserin te kry. Dit het geboemerang en Konstantyn het in 790 met militêre steun aan die bewind gekom. Irene het egter die titel keiserin behou.

Op 19 April 797 is Konstantyn deur ondersteuners van sy ma gevange geneem en verblind en Irene is as eerste heersende keiserin gekroon. Dit is onseker wanneer Konstantyn dood is; dit was beslis voor 805, maar hy is waarskynlik aan sy wonde dood nadat hy verblind is.

Konstantyn en sy eerste vrou, Maria, het twee dogters gehad:

• Euphrosyne, wat met keiser Michael II getrou het.
• Irene, wat ’n non geword het.

By sy minnares en later tweede vrou, Theodote, het hy twee seuns gehad, wat albei jonk dood is:

• Leo
• Nog ’n seun

Hierdie artikel is vertaal uit die Engelse Wikipedia